IX.

QUALITE» ADHUC. VIVENS ORDINAVEBIT ANNIVERSARIUM SUUM, ET DE FELICI OlilTIi

JOSSIONIS MONACHI.

Venerabilis siquidem et emeritus abbas, cupiens in futurum pro se rogari, ante hujus seculi transitorii egressum, cenobii sui mona- chis capitulariter convocatis, anniversarium quotannis ab eis petiit fieri, etpetitum cito adipiscitur. Ut autem futuris patere posset, hoc scriptum eisdem reliquit.

EXEMPLAR CARTE.

"Ego Leo, Dei gratia, abbas monasterii beati Bertini, universis michi in perpetuum successuris in eodem monasterio prelatis et filiis, presenti scripto notum faceré decrevi, quoniam, annuente et confirmante capitulo, statuerim anniversarium meum singulis annis fieri, die quo ex hac luce me migrare intulerit jussio Domini. Fuerunt insuper quidam probi homines, qui bonis suis ecclesiam beati Ber tini eatenus ampliaverunt, ut anniversaria sua sibi a fratribus concedí et inconvulsa stabiliri promererentur. Circumspecta igitur ratione, quibus redditibus hec convenientius assignari possent, perpendi quia census de Broburg ad xxxv libras, et eo amplius, nostris temporibus accreverit, et idcirco, ex eodem censu, quantum unicuique anni- versario aptatum est, diebus statutis, absque ulla vel ullius refra- gatione, fratribus procurari determinavi. Distinxi igitur ad meum anniversarium sexaginta solidos, unde habebit conventus generale piscium et vinum cum braceolis; ad anniversarium abbates, decani, quadraginta quatuor solidos, unde vinum et pisces preparentur. Que qui infregerit, a fratribus, qui tunc presentes aderant, se sciat ex- communicatum, nisi resipuerit. »

Interea, resurrectionis dominice anno м° centesimo sexagésimo tertio, quidam hujus congregationis monacus, cui nomen Jossio, christifere matri multum devotus in vita, in hoc cenobio leto fine dies vite sue clausit; qui mortuus inventus est habens in facie rosas quinqué rosidas, ut patet legenti paginam miraculi.