Ich Chunrat der Puschinger und ich Offney sein hausfraw und all unser erben, wi^er vergehen offenl(eich) mit dem prief und tuen kund allen den, die in sehent, ho^erent oder lesent, die nu sind und hernach chunftig werdent, das wi^er mit wobedachtem^a muet mit gesampter hant mit veraintem rat und mit aller seiner frewnt und erben gu^etlichem willen und zu der zeit, do wi^er es mit recht wol getu^en machten, recht und redlich verchauft und ze chauffen haben gegeben unsern zehent, der gelegen ist zu Axstain auf sechs halben lehen, ez sey weinzehent traidzehent chrawtzehent und chlain zehent, wi^e der genant ist, versu^echt und unversu^echt, gestift und ungestift, und mit purcherren hant des edeln herren, hern Petern von Losenstain, dem man alle jor dovon di^ent zwelf phenning zu purchrecht an sand Michelstag und nicht mer, den vorgenanten zehent mit aller seiner zu^egeho^erung, als vor benant ist, haben wi^er in recht und redlich verchauft und gegeben mit allen den nuczen und rechten, als wi^er in pu^erchrechts gewer herpracht haben und als er mit alter herchomen ist, umb an ains dreyzzik phunt Wienner phenning, der wi^er gancz und gar gericht und gewert sein, den erbern geystli^echen herren pru^eder Hansen di zeit prior und dem convent gemain zu unser frawn po^erten zu Axpach des o^erdens von Carthus und allen iren nachchomen furbas ledichl(eich) und freyleich zu haben, nuczen und ni^eezzen und allen iren frum damit schaffen mit verseczen und mit verchauffen an allen irresal und sein auch wi^er und alle unser erben unverschaidenl(eich) des vorgenanten zehentz und was dorczu^e geho^ert, der egenanten geistlichen herren ze Axpach und aller irer nachomen recht gewern und scherm fu^er all ansprach, als pu^erchrechts recht ist und des landes recht in O^estereich. Wer aber daz, daz in furbas an dem vorgenanten zehent und seiner zu^egeho^erung mit recht icht abgieng oder ob in chrieg oder ansprach davon auferstu^end, von wêm das wer, was si des schaden nêment, den schull wi^er in allen ausrichten und widerchern an all i^er mue und scheden und schullen si auch das haben auf uns unverschaidenl(eich) und auf allem unserm guet. das wi^er haben oder noch gewinnen in dem land ze O^esterri^ech oder wo wi^er es haben, wi^er sein lembtig oder to^ed. Das der chauf und di^e handlung furbas also stêt und unzebrochen beleib, darüber so gib ich vorgenanter Chu^enrat der Puschinger und mein erben den vorgenanten herren den prief versigilten mit meim anhangundem insigil und mit meins pru^eder insigel Jorgen des Puschinger, der des vorgen(anten) zehents mitsampt uns rechter scherm und gewer ist. Darczu^e haben wi^er auch vleizl(eich) gepeten den edeln und den erbern herren, hern Petren von Losenstain, der des vorgenanten zehents mitsampt uns rechter scherm und gewer ist. Darczu^e haben wi^er auch vleizl(eich) gepeten den edeln und den erbern herren, hern Petren von Losenstain, der des vorgen(anten) zehentz rechter purchherr ist, daz der sein insigel an den prief gelegt hat zu einem warn gezeugnuss der sach im an schaden. Der prieff ist geben nach Christs gepu^erd drewczehen hundert jar darnach in dem drey und achczikistem jar des mitichens an sand Symons und sand Judastag.

Source Fulltext: FUCHS, Aggsbach (=FRA II/59, 1906) S. 60-62