Wir Johanns von gots genaden bischof ze Pazzaw bechennen und tu^en kunt offenleich mit dem brief, daz wir angesehen und bedacht haben die lieb und frewntschaft, die die edeln ersamen Hanns¹ und Go^erig gebruder von Meyssaw hincz uns und hincz unserm goczhaws habent, und haben im^a und allen iren eriben mit rat gunst und willen unsers erwirdigens capitels ze Pazzaw unserr und unsers goczhaws kirichenlehen der pfarrkirichen ze Gerolting mit sambt der vogteÿ derselben pfarrkirchen, gelegen in unserm bistumb ze Pazzaw, die wir enher rubkleich gehabt und in aygens gewer herbracht haben, in rechts wechsels² weise redleich geben und geben auch wissentleich mit dem brief, dowider si uns zu unserm goczhaws und unsern nachko^emen in dezselben wechsels weise geben habent ir kirichenlehen der pfarrkirichen ze Scho^ennberch auch mit sambt der vogtey derselben pfarrkirchen gelegen auch in unserm bistumb, so der brief lawtt und sagt, den si und ir eriben uns, unserm goczhaws und nachkomen daru^eber geben habent also beschaidenleich, daz die vorgen(anten) Hanns [und] ^b Go^erig gebruder von Meyssaw und ir eriben da^c kirichlehen der egenan(ten) pfarrkirchen ze Gerolting mitsambt der vogtey derselben pfarrkirchen fu^erbas rubkleich haben und besiczen und recht haben zu^e derselben pfarrkirichen zu presentiren, wenne und als offte die ledig wi^ert, an allen irresal. Wir und unserr goczhaws sein auch dez kirichenlehens der egenan(ten) pfarrkirchen ze Gerolting mit sambt der vogtey i^er recht gewern und scherm fur alle ansprach, als kirichenlehens und aigens recht ist in dem lannde ze Osterreich. Wa^er aber, daz sie daran icht kriegs oder ansprach gewunnen, von wem daz wa^er mit recht, daz su^ellen wi^er in alles ausrichten an iren schaden und daz sullen si haben zu uns und auf aller unserr und unsers goczhaws hab, wo wir die haben oder wo die gelegen ist, mit u^erchund dez briefs besigelten mit unserm und mit dez obgenanten unsers erwirdigen capitels unserr korherren ze Pazzaw angehanngen insigeln, di ir insigil ze zewgnuzze der vorverschriben sach und hanndlunge an den brief gehanngen habent, in und irs capitels hab und gutern doch an schaden. Geben ze Pazzaw an sand Pangraciitag nach Kristi gepu^erde drewczehenhundert jar und in dem vier und achczigistem jare.

Source Fulltext: FUCHS, Aggsbach (=FRA II/59, 1906) S. 64-65