Ich bru^eeder Johans zu den zeitn prior ze u^enser frawn portn ze Achspach des ordens von Carthus und der convent gemain daselbs wi^er vergehen und tu^en ku^ent allen den, die den brif lesent oder ho^erent lesen, das wi^er mit gu^eetm willn mit wolbedachtem mu^et und mit verayntem rat zu der zeit, da wier es wol getu^en machtn, recht und redleich hinlazzn habn dem erbern mann Petreÿn dem Chramer, purger ze Wyenn, und seiner hawsfraw, frawn Barbaren zu einem rechten leybgeding nw^er zu i^er payder lebta^egn unser haws, gelegen an dem Altenfleischmarkt zu Wienn zenêchst des Phanczagels haws, alle jar umb vi^ertzehn phunt Wienner d., die sy uns ja^erleich raichen und gebn sulln syben phunt an sand Jo^erigntage und sybn phunt an sand Michelstag an alles vertziehn. Si su^elln auch dasselb haws, dieweil sy lebent, in nucz und in gewer innehabn und mit guetem mitternpaw haldn, als es uns und in ersam nu^eczleich und fu^eegleich sey ausgeno^emen kamer und eins stals, die uns allzeit zu unser notdu^erft warten su^elln sein angevêr. Und wenn die vorgen(anten) zwo person payd abgent mit dem tod und nicht mer sind, so ist denn uns und unserm chlo^ester das vorgenant haws allerding wider ledig warden allen unsern frumen damit ze schaffn. Wer aber, das an dem egen(antn) haws icht ehaffts paws no^et geschêch, als das ein mawr oder ein gewelb nydergieng oder wie das solichs genant wêr, das soll der egenant Peter der Chramer und sein hausfraw Barbara einem prior ze Achspach zu wissen tu^on und nach des rat und gunst su^elln si es wider aufpawn, und swas das chostet, das sol uns an dem jêrleichn zyns abgen angevêr. Und wenn auch daz wêr, dieweil sy paide oder ayns lebent, das si das vorgenant haws in rechtem gu^eetm mitlern paw nicht innehieten und pawten also, das si das zerleiden liessen, und das si von uns oder unserm anbalt aynsten oder zwir darumb gemant wu^erden, so su^elln si alles das erstatten und widertu^en, das sy daran versawmt habent. Teten si des nicht, so ist denn uns und unserm chloster das vorgenant haws allerding wider ledig wardn und su^elln sy i^er leybgeding und alle die recht, so si daran gehabt habn, gênczlich verlorn habn angevêr. Und daru^eber so gebn wir für uns und fu^er alle unserr nachkomen in den bri^ef zu^e einem warn urku^end der sach versigltn mit des vo^ergen(anten) unsers convents ze Achspach angehangem insigil, der gebn ist nach Christi gebu^erd in dem viertzehenhundertistem jare des mitichens in der andern vastwochn.

Source Fulltext: FUCHS, Aggsbach (=FRA II/59, 1906) S. 158-159