Ich Fridreich der Hayndarffer, die zeit pu^erggraf ze Wolfstain, und ich Ulr(reich) der Toblêr und ich Hans vom Chu^egel¹ bechennen offenl(eich) mit dem bri^ef allermênichleichen, das wir gepeten und geladen sein zu verho^eren ain chu^entschaft von des u^erfars wegen von Achspach chlasterhalben und von ettleichen holden daselben zwischen dem prior ze Achspach und dem pharrer ze Spicz, wer derselben vo^ergen(anten) gu^eeter rechter herr su^ell sein und stifftêr und sto^erer. Hab wir zu dem ersten geho^ert mit gu^eeter gewissen dy alten Stegêrinn dy von chinthayt das urfar inngehabt hat und das haws dapeÿ, und pechant pey iren trewen, wie das haws nicht geho^eret zu dem u^erfar, su^ender daz sy dienet dem pharrer ze Spicz sechczik phenning und von dem haws pesunder demselben vi^er ph(enning) und dem chlo^ester auch von dem haws sechs phenning, und o^effent var u^ens und va^er allermênichleichen, wie dy herschaft derselben gu^eeter von alter allczeit geho^ert hab gen Wolfstain mit robott und mit stewr und nicht gen Spicz. Darnach hab wi^er verho^ert dy ganczen gemain jung und alt daselbs ze Achspach, dy all bechanten aws ainem munt beÿ iren trewn, das allezeit dy herschaft derselben gu^eeter geho^ert hab zu der gen Wolfstain mit robott und mit stewr und nicht gen Spicz. Darnach hab wir verho^eret dy ganczen gemain jung und alt daselbs ze Achspach, dy all bechanten aws ainem munt beÿ iren trewn, das allczeit dy herschaft derselben gu^eeter geho^ert hab zu der herschaft gen Wolfstain und dew geho^eret zw dem chlaster ze Achspach. Dy verho^erung und chuntschaft o^effen wi^er wissenlich mit urkunt dicz bri^efs, der versigelt ist mit u^enser varbenanten dreÿer aufgedrukten insigelen, der geben ist nach Christi gepu^erd vi^erczehenhundert iar darnach in dem dritten iar des nachsten suntags nach sand Jacobstag in dem snid.

Source Fulltext: FUCHS, Aggsbach (=FRA II/59, 1906) S. 174-175