Steffan der Fuchawer, die zeit richter ze Stifen, und wi^er der gancz geswaren rat daselbs wier bechennen und tůn kund offenl(eich) mit dem brif allen la^ewten gegenbu^ertigen und ku^enftigen und allen, den er fu^erbracht und geczaigt wirt, das fu^er uns chomen sind auf paiden taillen, da wir sazzen in offener schrann an dem rechten in dem pantaÿding nach unserr aygens rechten, von erst frawn Margret, Jo^erigen des Sneyder saugen wytib von Gars, dem got gnad, von ru^eegung wegen und der yeczgenanten frawn Margreten hat man geru^oegt desselben ires wi^erts eriben auf ayn weingarten auch gelegen ze Stifen zenachst des Pehaÿms und Symans Eberharts weingarten und purchrecht ist von u^enserr herschaft ze Stifen, und derselben ru^eegung wolt die benan(te) frawn Margret nicht dulden noch leyden von denselben ires wi^ertz eriben und widerruefft die ru^eegung vor unserr in der schrann in unserm pantayding und dorumb so haben wi^er in ze payden seyten ayn gemessen rechttag beschaiden und gegeben auf aynen tag in unser nachtaiding also, wer nicht cho^em zu dem rechten, die hieten alle irew recht verlaren. Item da cham die egenan(te) frawn Margret fu^er uns fu^er das recht, da wi^er aber sazzen an dem rechten, mit irem vorsprechen, als sŷ von recht solt, und wolt ho^eren, was man hincz irem weingarten hiet ze sprechen, daz wolt sŷ verantburten. Item da chom herfu^er auch fu^er uns und trat in antburt der beschaiden Peter der Jukkêr von Mertersdorf¹ auch mit seinem vorsprechen, als er auch von recht solt von seinen und aller seiner miteriben wegen, und er sprach und er hiet im und allen seinen miteriben gerůegt, als er rechtlichen ru^eegen solt auf denselben weingarten. Item da chom die obgenante frawn Margret mit irem vorsprechen und behueb denselben iren weingarten mit frag und mit urtail mit dem rechten vor unserr i^er und allen iren eriben und tayle auch denselben Petrein den Jukkêr in und alle sein miteriben ga^enczlich ab von der ru^eegung und von dem rechten und tet auch das also mit dem rechten vor unserr und des ist ire poten und geczeug geben vor uns und daz ist uns also chund und wissenlichen dem richter und dem ganczen rat ze Stiffen, das dem also ist, und sprechen auch das bey unsern trewn und ist ire und i^er und iren eriben der behabbrife gesprochen warden mit dem rechten. Und des behaben ze ayner waren urchu^end ist i^er gegeben warden der gegenbu^ertige bri^effe besigelten mit unserr genadigen und geystlichen herren prueder Hannssen prior ze Achspach des ordens von Karthus anhangunden insigil, der des benan(tenj weingarten gruntherr ist. Auch der sach ist geczeug der erbern und weys Jorig der Mu^elfelder, die zeit phleger zu^e Gars, mit seinem anhangunden insigil im und seinen eriben an schaden. Der brif ist geben ze Gars nach Kristi gebu^erde vierczehenhundert jar darnach in dem ayndlefften jar an mantag nach unsers herren auffart.

Source Fulltext: FUCHS, Aggsbach (=FRA II/59, 1906) S. 205-206