Wir Niclas von gotes genaden abbt ze Melkch bekennen, das fur uns kome der erber Hanns von Portschalich und bat uns mit vleizs, das wir im und seinen erben geruchten zu verleihen den Haidhoff mit aller seiner zugehorung in Geroltinger pharr gelegen, der von uns und unserm goczhaus ze lehen rürt Nu haben wir angesehen des egenanten Hannsen von Portschalich vleissig gepett und dinst und haben im und sein erben sün und tachtern den obgenanten hoff mit seiner zugehorung¹ verlihen und leihen in auch den wissentleich mit kraft des briefs was wir in daran ze recht und pilleich leihen sullen oder mügen. also das sie den vorgenannten Haidhoff mit seiner zugehorung von uns und unserm goczhaus in lehens weis innhaben nuczen und genessen sullen, als lehens und landes ze Osterreich recht ist, doch uns und unserm gotzhaus unvergriffenleich an der lehenschaft. Mit urkund dicz briefs mit unserm klainern angehangunden insigel.² Geben ze Melkch, an phinztag vor sand Gorgentag, nach Kristi gepurd virzehenhundert jar und darnach in dem drew und zwainzigisten jare.

Source Fulltext: LAMPL, Nachträge (1907) S. 198-199.