Wir Albrecht von gotes genaden herczog cze Osterreich, cze Steir, cze Kernden, cze Krain, markgraff cze Merhern und grave czu Tŷrol etc. empietn unsernn getrewn, unsern ungeltern cze Herczogenburg unser genad und alles guet. Wir haben vernomen, wye ir den erbern geistleichen unsern liebn andechtigen dem prior und dem convent cze Achspach an dem ungelt yerer czwaÿer schenkchheÿser, damit sy weilent unser lieber herr und vater, herczog Albrecht, herczog cze Osterreich etc., seliger gedechtnuss mit seinem brieff begnadt hat, irrung und invell tuet. Emphelhen wir ew und wellen ernstleich, das ir den wenantn geistleichen leÿten an demselben ungelt chain irrung noch invell tuet in dhain weg, sunder das es beÿ den briefen weleib, die der vorgenant unser vater seliger demselben goczhaws daruber gegeben hat. Daran begeet unserr erenstleichew maÿnung. Geben cze Wyenn am phincztag sand Mathias abent anno domini etc. tricesimo.

Source Fulltext: FUCHS, Aggsbach (=FRA II/59, 1906) S. 245-246