Ich Vrsula Andres des Kelberharder seligen tochter und Hannsen des Grabner eleiche hausfraw vergich fuer mich und all mein erben und tün chünde offenleichen mit dem brieff allen den er furkumbt, die den brief sehent, lesent oder hörent lesen, die nu lebent und hernach künftig werdent, daz ich mich mit gütleichen willen unbetwungenleichen nach des benanten meines lieben manns³ und anderr meiner frewnde rat unde gevallen mit wolbedachtem muet, zu derzeit da ich daz mit recht wolgetün mocht genzleichen verzigen und furzicht getan han, und verzeich mich auch wissenleichen in kraft des briefs aller der eribgüeter, wie die genannt und wo die gelegen sinde nichtz hindan gesatzt, die weilent mein erer man Mathes Fleischess seliger hinder im gelazzen hat, die er mir fur haimstewer marigengab unde Widerlegung vermacht und verschriben het, daz mich darumb umb solhe mein haimstewer, marigengab und widerlegung ganz und gar nach allem meim gutleichem willen enricht habent des vorgenannten Mathesen des Fleischess bruder Hanns der Fleischezz von Grozzen Mügel und sein sun auch Mathes Fleischezz, daran mich also wolbenüegt, und han in auch da durich übergegebn sollich geme^achtbrief und beste\att brief, so ich dann umb solhe mein haimstewer morigengab und widerlegung gehabt han und sullen noch wellen auch ich, vorgenante Ursula, all mein erben noch niemant von unsern wegen hinfür zu den vorgenannten Hannsen dem Fleischezz, Mathessen dem Fleischezz seim sün und hinz E^anndlein des benanten Hannsen des Fleischezz brüder kinde, daz sew innhaben und noch nicht vogtper ist und allen irn erben noch hinz niemant von irn wegen noch hinz sölhen guetern so mir dann fur haimstewer morgengab und widerlegüng verschriben sein gewesen, noch hinz allem anderm irm guet, erib und varunder hab, so sew ietz haben oder noch furbazzer gewinnen, dhein ansprache, zuspruch noch vordrung nimer mer haben noch dheins rechtens darzu jehen, so wir daran haben solten, weder mit recht noch an recht vil noch wenig in dheinerlaie weise ungeve^arleich, dann nür ausgenomen ob der benant mein erer man weilent Mathes Fleischezz icht beraitschaft hiet hinder im gelazzen die noch herfur che^ame oder funden wurde von weme dez we^ar, waz ich daran erben und haben sol¹, des han ich mich noch mein erben nich² verzigen.³ Und daz die verzeihung und furzicht hinfur in⁴ obgeschribner⁵ mainung und rechten also ganz ste^att unverchert und auch unzerprochen beleib und gehalten werde, daruber zu eim vesten sichtigen urchunde gib ich vorgenante Ursula in den brief besigelten mit des vorgenannten meines lieben manns Hannsen des Grabner anhangunden insigel, den ich mit fleizz dar umb gepeten han, das er sein insigel an meiner stat an den brief gehangen hat, darunder ich mich fur mich selb und für all mein erben mit meinen trewn an aides stat genzleichen verpunden han, alles daz vollekleichen steet zu halten waz dann an dem brief geschriben stet, wann ich iecz diezeit dhein gegraben insigel nicht enhab. Und des ist gezeug durich meiner fleizzigen bet willen der edel Jorig der Hochstetter auch mit seinem angehangenn insigel im und seinen erben an schaden. Geben nach Cristi gepurde virzehundert⁶ jar und darnach in dem siben und dreizzigisten jare, and sand Ambrosyen tag.

Source Fulltext: LAMPL, Nachträge (1907) S. 199-200.