In nomine sanctae et individuae trinitatis. Liupoldus dei gratia dux Austriae et Stiriae omnibus Christi fidelibus in perpetuum. Ne temporum labente curriculo obliuionis dispendia pati possit vel debeat, quicquid pio hominum studio factum fuerit vel tractatum, nos per praesentium continentiam transmittimus notitiae modernorum et futurorum, quod pietatem et gratiam, quam antecessor noster piae memoriae dilectissimus frater noster Fridericus, illustris dux Austriae fecit ecclesiae Ardacensi, quod videlicet victualia eiusdem ecclesiae ab Austria usque ad praedictum locum annuatim ducantur sine mutta; nos pro remedio animae nostrae et parentum nostrorum eandem suam concessionem ratam habere uolumus et firmam perpetuo eonseruari, unde etiam praesentem paginam sigilli nostri fecimus munimine roborari et subscribi testes, quorum haec sunt nomina. Hartnidus praepositus. Chalhohus de Valchenstein. Chunradus Tumplebanus, canonici patavienses. Comes Eckebertus de Pernecke et filius eius comes Vlricus. Walchunus de Valchenberch et filius eius Rapoto. Hademarus de Chunringen. Wichardus dapifer. Wichardus de Zebingen. Irmfridus de Gnanndorf. Adeloldus et Hartungus fratres de Chyow. Marquardus de Himperch. Heinricus de Prunne. Rudolphus et Herbordus de Potendorf. Heinricus de Paessingen. Otto de Waldecke. Pernoldus de Augia. Gotfridus camerarius et alii plures. Acta sunt haec in domo nostra Nivenburch anno incarnationis dominicae MCLXXXXVIII.

Source Fulltext: FRIESS, Ardagger (AÖG 46, 1871) S. 472-473