Heinricus Flekchl praepositus ecclesiae collegiatae sanctae Margarethae in Ardakcher Pataviensis dioecesis notum facio tenore praesentium universis, quod quaedam bona choraliter communiter nuncupata in libro seu registro feodorum Ardacensis praepositurae sub vulgari ydiomate ita reperiuntur: Item von erist herrn Pauli haws ob dem prunn, item Herrn Leonharts haws vor dem prunn, item herrn Hansen haws, das da haisset auf dem gang mit dem garten, item herrn Niclas haws mit seiner zuegehörung, das auch hat einen gang, item der pawhof mit seiner zugehörung, item zwey hoffstett, die da ligent bei herrn Hannsen haws auf den gang, item der zehent bei dem pach, item der zehent zu Winklarn, item der zehent zu Herstorf, item ainen holden ze Reinsbidl, item ainen holden zw Hawstorf, item ainen holden an der Steinöd, item aber ainen holden zu Hawstorf, item ainen holden ze Tanwiesen, item des Straichers garten, item ainen garten bei der Schopfmül, item ainen garten bei herrn Bernharten, item ain wis bei dem haws in Krotental, item die prukgwis, item ain wisen ze Leytzing, item ain wisen ze Tanwisen, item ain wisen genant die liestingerin, item ain wisen ze Tanwisen, item ainen akcher in dem Newnstetl, quodque ex longa consuetudine aput eandem ecclesiam Ardacensem fuit observatum, ut hujusmodi praescripta choralia canonici inter se praefatae ecclesiae actu residentes libere donare, vendere, resignare ac testare potuerunt prout volebant, et ex hujuscemodi causis ipsis dicta choralia, ad quos convenerunt, per praepositum ecclesiae eiusdem in feodum conferri consueverunt, ex qua consuetudine illud absurdum consecutum est, ut pluribus vicibus choralia ipsa omnia ad unum seu duos aut tres canonicos peruenerint, sicque uno canonico plures canonicales domos occupante alius, quod erat indignum, nulla pro suo habitationis usu ad inhabitandum ibidem dabatur facultas, prout et de decanis saepius ibidem contigit, ad quem licet plurima ecclesiae et cultus divini onera pertineant, ipse tamen coactus est per huiusmodi consuetudinem circa dictam ecclesiam domo et habitatione carere, exinde etiam int er decanum et canonicos et inter ipsos canonicos inter se saepius dissensionis, invidiae et odii incaluerunt fomites ortusque est rancor, qui interdum non de facili finem accepit. Quibus obviandum inconuenientiis a plurimis aliisque causis moderni praelibatae ecclesiae decanus et capitulum multos inter se habuerunt tractatus, tandemque ex caritativis hortacionibus ad hoc conclusive venerunt, quod quisque canonicorum, quod vel quae obtinet chorale et choralia de supradictis sponte ac libere pro communi usu decano et capitulo praedictis et eorundem successoribus conferendum et conferenda resignavit atque dimisit, quibus per huiusmodi resignacionem et dimissionem et reliquis choralibus etiam per ceterorum canonicorum mortem vacantibus saepedicti decanus et capitulum unanimiter deliberarunt tam pro utilitate quam comodo et decore dictae ecclesiae, ut in antea domus supranominata domini Johannis auf dem gang solo decanatui supradictae ecclesiae pro habitatione ac usu cuiuslibet decani pro tempore existentis perpetuo permaneat; ceteras vero domos canonicales secundum senium in canonicatu canonici optionis via vacationum casibus assequantur. Et ut ceterae domus nec non coloni, decimae, prata, orti et agri supradicti et si qua sunt choralia alia hiis similia saepedictis decano et capitulo et eorum successoribus cum omnibus et singulis iuribus, fructibus, redditibus, prouentibus, obuentionibus et emolumentis universis incorporarentur, unirentur et annecterentur, dicti igitur decanus et capitulum humili cum instancia mihi supplicarunt, quatenus ad huiusmodi eorum conclusos tractatus pro comodo et utilitate ecclesiae Ardacensis annuerem et consentirem, ipsisque et eorum successoribus praescripta choralia pro communi eorum usu modo supradicto annecterem, unirem et incorporarem: ego quia huiusmodi rei gestae et inconvenientium omnium praetactorum plenam habebam notitiam pariter et experientiam, preces, tractatus dicti decani et capituli nonnisi rationabiles mihi videbantur, paratus igitur pro meo posse dictae ecclesiae et capitulo commodum et honorem augere in dies, ad dictos eorum tractatus annui, consensi et eosdem ratificavi ac praefata choralia iuxta per eos conclusa dicto decano et capitulo et eorum successoribus, quantum de iure potui, perpetuo contuli, incorporavi, annexui et vnivi eaque ipsis tenore praesentium confero, incorporo, annecto et unio hac tamen conditione reservata, ut decanus pro tempore et quilibet canonicorum domum per eum optatam ex feudatione ut prius moris fuit, praepositi pro tempore existentis assequatur, et domus, si quam canonicalem ante optionem habuit, vacet et pari modo subiaceat optioni, fructus, redditus et proventus, obventiones et emolumenta ab aliis choralibus provenientes et provenientia convertentur in communem usum supra nominatorum decani et capituli et inter eos distribuantur prout alia de corpore praebendarum provenientia seu ad capitulum pertinentia distribui consueverunt et in promissorum evidens testimonium saepefatis decano et capitulo eorumque successoribus praesentes literas sigilli mei appensione munitas tradidi et assignavi. Datum Sabbatho, quae fuit prima Septembris anno millesimo quadringentesimo quinquagesimo tercio.

Source Fulltext: FRIESS, Ardagger (AÖG 46, 1871) S. 541-543