In nomine domini Amen. Ego Chunradus de Alindorf Burchrauius pro tempore in Somow duxi publice protestandum, quod pro remedio anime mee de rebus mihi a deo collatis mediante consensu Vxoris mee Gute predium quoddam videlicet vnius talenti Redditus situm circa villam, que Wagran vocatur, quod a Walchuno de Mitterchirchen pro quadam certa summa pecunie Emj simpliciter et persoluj, Vxore eiusdem Wal. nec non amborum heredibus omnibus et singulis, quorum hoc intererat, renunciantibus in eodem predio juri suo Monasterio in Pawngartenperg absolute et proprietatis titulo tradidi perpetuo possidendum Ea condicione, vt de pensione eiusdem predij fratribus seu conuentui eiusdem Monastery singulis annis jn die Natali domini plenarium detur seruicium, quod intelligitur de Vino, Piscibus atque pane. Et nichilominus si infra Patauiam et hainburgiam in terminis austrie me mori contigerit, Ex tunc predicti Monasterij Abbas vel quem ad hec de suis deputauerit, me tenebitur recipere et funus meum ad predictum locum deferendo ibidem ecclesiastice tradetur sepulture. Insuper melior equus, qui tunc in mea repertus fuerit proprietate, vnacum omnibus armis meis mecum deferentur pro vsibus Monasterij antedicti. Preterea dicta vxor mea G. Eodem mota desiderio, vt sicut inter me et illam voluntatum manet idemptitas, sic etiam inter nos vera sit proformitas accionum, pari voto similique condicione, vt premissum est, in Monasterio predicto cum bona mea voluntate ex nunc eligit sepulturam. In cuius Rei euidenciam has patentes litteras cum sigillo meo dedi predicto claustro in testimonium super Eo. Acta sunt hec Anno domini Millesimo, Trecentesimo primo, xvij. kalendas Aprilis.

Source Fulltext: OÖUB 4 (Wien 1867) S. 380, Nr. 412