Ego Chunradus de Alindorf pro tempore Burgkgrauius in Seisnneck constare volo vniuersis, ad quorum audienciam peruenerit presens scriptum, Quod viri Religiosi domnus Abbas et Conuentus Monasterij in Pawnngartennperg meis peticionibus conplacentes quoddam predium suum in superiori Arnoltstorf situm prope Castrum Seisnneckh Redditus videlicet decem Solidorum sub forma commutacionis cum attinencijs omnibus Michi meisque heredibus libere fradiderunt. Quibus sane aliud cum suis attinencijs dedi predium, quod dicitur an der Lewttn situm jn parrochia Aschpach Redditus eciam decem solidorum,quod propria pecunia comparaui, obligans me ad hoc et promittens, quod in tuicionem sew defensionem eiusdem predij tam Ego quam ijdem heredes mei Eorundem Religiosorum virorum auctores, quod wlgo gwerdicitur, esse debeamus secundum terre conswetudinem generalem Adijciens nichilominus, vt, si ex tunc vel in antea predictos Abbatem et Conuentum in prefato predio prejudicium aliquod pati vel per impetencium calumniam contingeret Aut si forte ad petendum Censum predictum siue seruicium ipsum predium non sufficeret, nisi hoc ex lesione grandinis, quod wlgo pisess dieitur, vel ex publico gwerrarum discrimine euenerit, ex tunc omnem damnorum huiusmodi Reconpensam habere teneantur super quondam suo predio jn Arnoltstorf ac super omnibus alijs meis meorumque heredum Rebus, quas nunc juste possidemus aut in posterum iustis modis poferimus adipisci. Igitur vt premissa omnia et singula premissorum rata permaneant, Memoratis Abbati et conuentui presentem dedi paginam Sigilli mei munimine efficaciter Roboratam. Huius Rei testes sunt domnus Albero de Volckennstorf, domnus Hadmarus de Volckennstorf, domnus Chunradus de Vlachenneckh, domnus Hartnidus de Chuleub, domnus hainricus et domnus Marquardus de o^ed, domni Otto et Rugerus et Vlricus hawsarij, hainricus de Imtzing, Chunradus de Mitterberch, Wetzlo de Erwing et alij quam plures. Actum Anno dominj M°.CC°. Nono jn die Pasche.

Source Fulltext: OÖUB 5 (Wien 1868) S. 15-16, Nr. 13