Ich Janns von Chappell vergich vnd tuen kundt allen den, die disen brief sehennt oder horennt lesen, das fûr mich sind komen Chunrat der hawser vnd Chalhoch sein sun vnd haben mit verdachtem muet vnd mit guetlichem willen Ir vnd aller irer Erben gegebn dem Gotshaws vnd der Samnung ze Pawmgartenperg ledichlich vnd vnuerschaidennlich alles jr Recht, das Sy gehabt haben an dem hof datz Eytznndorf, den der Zanndel von jn hat gehabt, vnd bin auch jch vnd mein nachkomen desselben hofs des vorgenanten Gotshawss vnd der Samnung Scherm vnd Gwêr als annder jrs guets an des Lanndsfürsten Stat jn Oesterreich. Vnnd zu einem waren gezewg vnd ewigen Vrchundt diser Sach gib ich demselben Gotshaws vnd der Samnung disen brief bestetigt mit meinem Innsigel. das ist geschehen, do von Crists geburd erganngen waren drewtzehen hundert jar, darnach in dem drew und tzwaintzigisten Jar des Suntags vor Mittervassten.

Source Fulltext: OÖUB 5 (Wien 1868) S. 351, Nr. 358