Wir apt Christan vnd der conuent ze Paumgartnperig vergehen offenbar vnd tun chund, daz vns di erwirdigen herren der abt Vlrich vnd sein conuent ze Admu^end heten anbehabt ainen weingarten in der Herstell gehaizzen der Putschner, denselben weingartn habent sev vns widergeben von sundern gnaden also, daz wir in purkchrecht des achthalb wienner phenninkch ist vnd nicht mer do von jaerleich raichen schu^ellen. Taet wir des nicht so schullen sev vns no^eten mit dem vorgenantn weingartn vnd mit dem wein der darinn wirt vmb daz pu^erkchrecht vnd all der wandel, die durch recht darauf gevallent. mit vrchund des priefs, den wir versigelt haben mit vnsern paiden insigeln. Geben nach Christs purd dreutzenhundert jar in dem siben vnd fumfczkisten jar des samztags nach sand Margretn tag.

Source Fulltext: OÖUB 7 (Wien 1876) S. 517, Nr. 509