Ich Herward der Lemperger und ich Gedrawt sein hawsfraw ich Chunrat der Lemperger sein sun und ich Margreth sein hawsfraw wir verjehen, das wir zu kauffen haben geben den erwirdigen geistlichen herrn abbt Jannsen und dem convent gemain zu Paungartenperg unnsers ireyen aigen und ledigen und unverkumertn gu^ets unnsern hof datz Hardt mit drein hofsteten die darein geho^erend, gelegen in Mitterkircher pfarr mit alle die und darzue geho^ert mit pawngarten und mit vischwaid in alle dem recht als wir und unnser vodern den in aigens gwer unversprochennlich von alter her haben bracht, umb sechtzig phund und umb zway hundert phundt phenning wiener münss die sy uns berait darumb geben haben, und sein auch der gantz und gar verricbt und gwwert zu rechten tagen an allen schaden. Das dy red sta^et und linzerbrochen beleib, des geben wir in zu einem ewigen urchund den offenn brief versigelten mit mein vor genannts Herwarts des Lemperger anhangunden innsigell und mit mein obgenannts Chunrats des Lemperger anhangunden innsigell und mit Sigharts des Presnitzer anhangunden insigel, der mein oft genannts Herwarts des Lemperger aidem ist. Des sind auch gezewg mit irn anhangunden insigiln die erbern herren her Jans von Trawn haubtman ob der Enns der auch der vor genanten herren ze Pawngartenperg zu den zeiten vogt ist gewesen, und her Ott von Volckennstorf und auch die erbern lewt Ott der O^eder von Swertperg und Ulreich der Reykenstorfer von Schiltdorf in an schadn. Der brief ist geben nach Crists geburd drewtzehen hundert jar und darnach in dem zway und sechtzigistenn jar an S. Jo^ergen tag.

Source Fulltext: OÖUB 8 (Wien 1883) S. 75f., Nr. 73