CXVI.

Ich Margret, hern Vlriches wittiwe von Chapelle dem Got gnade, vergibc vnd tvn chvnt allen den, die disen prief lesent oder horent lesen, di nv lebent vnd hernah chunfüg sint,daz ich mit meiner erben gvtem willen vnd gvnst, mit verdahtem mvte vnd mit zeitigem rat meiner frivnde vnd mit meins Grvntherren hant, Apt Nychlas von den Schotten, verchavft han meins rehten pvrchrehtes ain Havs, daz da leit an des Herzogen hove ze Wienne ze naehist an sand Pangratien Chappellen, vnd daz da dient alle Jar an sand Michels tage hin zv den Schotten ze Wienne zwelif wienner phenninge ze rehtem Grvnt- rehte. Dazsclbe Havs han ich Margret geben mit allem dem nvtz vnd reht, als ich iz in pvrchrehtes gewer herpraht han, vmbe achzich phvnt wienner phenninge, der ich reht vnd redlichen gewert bin, dem erbaern manne hern Jacoben von sand Michelspvrch vnd seiner havsvrowen vron Chvnigvnde vnd allen ir n erben ledichlichen vnd vreilichen ze haben vnd allen ir n frvmen damit ze schaffen, verchavffen, versetzen vnd geben, swem sie wellen, an allen irresal. Vnd darvber durh pezzer sicherhait so setzzen wir vns, ich vorgenant Margret vnd ichRapot von Valchenperch vron Margreten pruder, vnverschai- denlichen hern Jacoben von SandMichelspvrch vnd seiner hovsvro- wen vron Chvnigunden vnd allen irn erben vber daz vorgenant havs ze rehtem scherme fvr alle ansprache, als pvrchrehtes reht ist vnd der stat reht ze Wienne. Vnd geben In darvber disen prief zv ainem sibtigen vrchvnde vnd zv ainem offen gezevge vnd zv ainer ewigen vestnvnge diser sache versigilten mit vnsern Insigiln vnd mit meins Grvntherren Insigil, apt Nychlas von den Schotten, vnd mit vnsers prvder Insigil Hadmars, di diser sache gezevg sint mit ir Insigiln, vnd sint avch des gezevg her Wiechart von Toppel, her Dvring der Biber, her Greiffe, her Greiffc sein svn, her Chvnrat der hvb- maister, her Chvnrat sein svn, her Vlrich hei den Minnern prvdern vnd ander frvme levte genveh, den dise sache wol chvnt ist. Diser prief ist geben ze Wienne, do von Christes gebvit waren ergangen Drevzehen Hvndert Jar in dem zehentem Jare darnah, an sand Nychlas tage.

Original auf Pergament mit vier Siegeln.

137