CXVIII.

Ich Herteort von den Hofen vnd fraw Agnes mein hausfraw veriehen offenlich vnd tun kunt allen den, die disen brief lesent, ho- rent oder sehent, die nu Iebent vnd hernach kunftig sint, daz wir einen akcher bestanden haben von dem erbern herren Abbt Niélasete von den Schotten ze Wienne von seiner sammunge, den sy vns auz- gelazzen habent von einem lehen, das sy habent an iem Kueperg, vnd denselben akcher haben wir mit vnser chost gestifftet vnd gepawen ze einem weingarten, also, das wir paide denselben weingarten mit allem nutz genczlichen inne haben snlen ze vnser baider leibgeding, vnd danne nach vnser baider tode, so sol der vorgenant weingarten ledichlichen vnd an allen krieg wider angevallen den vorgenanten herren den Abbt vnd die samunge ze vnser frawen chloster der Schotten ze Wienne also, das ewichlichen vnser baider sel vnd auch eines Hermanes sel, des Jungen Schober vnd frawen Benditen sei ner hausfrawen, vnd aller vnser vorder n sel besunderlich vnd ewich lichen gedenkchen sullen die vorgenanten herren vnd all ir nachko- men. Vnd wanne wir das mit gutlichem willen vnd mit zeitigem Rat vnd auch mit willen vnd mit gvnst aller vnser gecrben getan haben, so geb wir daruber disen brief ze einem sichtigen vrkunde vnd ze einer hestettigunge diser sache versigelten mit vnserm Insigel vnd mit des vorgenanten Hermanes Insigel, des Jungen Schober, vnd mit Dietreichs Insigel von Rewsezze vnd mit Berichtoldes Insigel von Haslern, die diser sache gezeuge sind mit Irn Insigeln. Diser brief ist geben, da von Christi gepurd waren ergangen drewezehen hundert lare vnd darnach in dem zweliften Iare, an den Sunbenttage.

Aus einem Copialbuche auf Pergament saee. XV., woselbst die Note beigefügt ist: Item dicit fratpr Georius, quod in dicto loco am Kueperg sit quedam vmea vasta et longiori tempore inculta, de qua nemo se intromittit et ipsa forte est, de qua sonat presens littern, quia aliam ibidem habemus nullam.

139