CCLXXXIII.

Ich Fridreich der Puchler vnd ich Elsbet sein hausfraw vnd unser erben wir vergehen vnd tun kunt vmb ein prantstat eines hauses, die weilent des Padner gewesen ist, gelegen niderhalben der Vischer Stieg ze Wienn, do man get an den Saltzgriesse, vnd stosset niden an unser egenanten Fridreichs des Puchler vnd frawen Elsbeten meiner hausfrawen haws, die vns der Erwirdig vnd geistlich her Abtt Cle ment vnd derConuent datz den Schotten zeWienne ze Stiften verkauft vnd geben habent maistal durch der Sechs schilling vnd der ach- czehenwîCTinerphenning geltes gruntrechts vnd purchkrechts wegen, die wir vnd alle, di die vorgenanten vnser prantstat nach vns besitzent

326

oder innhabent, dem egenanten chloster datz denSchotten zeWienn alle Jar davon dienen vnd raichen sullen nach des briefs sag, den wir von in daruber haben, das uns dieselben geistlichen herren der Abtt vnd der Conuent der Schotten ze Wienn in vnser gewalt geben vnd geraicht habent zwen Gerichtbrief, ainen brief, der da sagt, das Si dieselben prantstat vmb iren egenanten dinst nach der Stet Recht ze Wienn behabt habent, vnd den andern, der da absagt ain phunt gelts purkchrechts den Geistlichen hern datz dem heiligen Chrewtz, das si auch darauf gehabt habent, in sol her beschaidenhait, das wir in dieselben zwen brief, wann Si oder ir pot an irr Stat die vordern, vns die egenanten prantstat ze bescherm raichen vnd geben sullen an allen chrieg. Teten wir des nicht, was wir dan an dem Scherm der oftgenanten prantstat furbas schaden nemen, das sol der Abtt vnd der Conuent der Schotten ze Wienn gar ungolten vnd an schaden sein. Vnd das luben wir in alles stet ze haben vnd ze Iaisten bey unsern trewen mit vrkund ditz briefs versigilten mit mein ege nanten Fridreichs des Puchler Insigl vnd mit hern Leupolts Insigl von Velsperg, zu den zeiten Statschreiber ze Wienn, der der sach gezeug ist mit seinem Insigl. Gehen ze Wienn nach Christi gepurd drewtzehenhundert Jar darnach in dem Sibnvndsechtzigisten Jare, an sant Stephans abent in dem Snyt.

Aus einem Copialbuche auf Pergament saec. XV.