CХС1I.

Ich К y das von Eslarn, Purger ze Wienn, vnd ich Jacob von Eslarn sein Sun wir vergehen vnd tun chunt allen den, die disen brief lesent oder horent lesen, die nu lebent vnd hernach kunftig sint, das mein Enichlin Rudolf, Mergart, Anne vnd Kathrei, Leupoldes chindere von sant Polten vnd meiner tochtev Agnesen seiner hausfrawen

218

den got baiden gnade, gehabt haben ainen hofe, der da leit bei Judentore zenachst der Schotten Mayrhofe, das nu ein prantstat ist, vnd des der Erwirdig Herre Abbt Hainreich von den Schotten rechter Gruntherre, Stifter vnd Storer ist, vnd dient im alle Jar Sechczig Wienner phenning ze gruntrecht, vnd darumb im derselb hofe vnd die egenant prantstat recht vnd Redlichen veruallen ist vnd auch mit Rechtem Recht in sein gewalt pracht hat, ledichlichen vnd vreilichen ze haben vnd allen seinen frnmen damit ze schaffen an allen Irsail, vnd haben In des mit gunst vnd mit frewntlicher bete vbergangen, das er den vorgenanten meinen Enichlin vnd auch vns die gut vnd die beschaidenhait mit gutem Willen getan hat, vnd hat In fumfzehen phunt Wienner phenning bereit berzo gegeben an dem vorgenanten Hofe vnd an der prantstat, der wir gar vnd gancz vnd die egenanten meinen enichlin verricht vnd gewert sein, darumh, das seu furbaz dhain vordrunge noch dhain ansprach darauf nimmermer gehaben schullen. Vnd durch pesser Sicherhait so seczen wir vns, ich vorgenanter Nielas von Eslortt vnd ich Jacob von Eslorn sein Sun, vnuerschaidenlichen fur die egenanten vir Enich lin vber denselben hofe ze rechten gewern vnd scherm fur alle an sprach, als der Stat Recht ist ze Wienn. Vnd das dise red furbaz also stete sei, daruber so geben wir dem egenanten Abbt Hainrichen disen brief ze einem offen vrchunde vnd ze einer ewigen vestnunge versigelten mit vnser paider Insigeln. Diser brief ist geben ze Wienn nach Christes gepurt Dreuczehen hundert Jar darnach in dem Newn- vnddreissigisten Jar, an sand Merteinstage. Aus einem Copialbuche auf Pergament saec. XV.