LXXVII.

IcbChvnrat der briester, bei den zeiten maisterderBvrgerSpital ze Wienne, unt ich Levpolt an den Chinmarchet hern Herbortes svn weilent von SantPelten, bei den zeiten verweser desselben Spitales, wir vergehen unt tven chvnt allen den, die diesen brief lesent vnt hocrentlesen, die nv lebent vnd hernach chvnftich sint, daz her Heln weich der briester, der Pharer von Weymarsvelde, drev phvnt geltes gechavffet hat avf einen weingarten, der ist gelegen innerhalb der Wienne hinder der bvrger Spital, datze fron Geiseln hern Tract- mans tohter vor Cherner pvritor, unt habent dar zv allev irev chint ir gvnst unt ir willen gegeben an einen svn, der haizzet Otte, der was die weil iner landes nibt. Fver desselben svnes ansprach hat dev vorbenant frowe fro Geisel unt irev chint rehten scherm gelobt, wan si sein vor rehter ehafter not nibt versparn mohte, si m vest denselben gelt verchavffen. Vnt hat avch der vorbenant briester her Heinweich gelobt der vorgenanten frowen fron Geiseln unt ir chin den, swanne daz ist, daz si oder irev chint denselben vorbenanten gelt wider locsen wellent, so sol er in den ze locsen geben reht als er in daze in gechavffet hat, ain phunt geltes umb aht phunt, unt dev andern zwai phunt um ahtzehn phunt. Wier beschaiden avch daz, daz man ain phunt dienen sol ze Weibnahten vnt daz ander an sant Jorgen tag und daz dritte ze sant Mychhels messe. Daz diesev rede unt diser chavf also stete sei unt vestichait hah vnt vn verwandelt beleibe, darvberhabe wir dem vorbenannten hevn Helnweigen gegeben unt auch seinen shwestern diesen brief zu einem vrchvnde vnd zu einem gezevge dieser sache, vnt haben in den bestetiget versigelten mit des vorbenanten spitales insigel unt avch mit der bvrger Insigel ze Wienne. Des sint gezevge her Greiffe hern Otten svn, her #ay/n vnd sin brveder berOtte. her Chvnrat der hvebmaister, daz sint ritter, her Chvnrat der Polle bvrgermaister, her Paltram der vatz, her Chvnrat der Hesner unt die andern bvrger, die do des rates warn, unt darzv diese beschaiden levte, die do umb daz Spital gesessen warn, daz ist der vinch, der

94

Herscheßel unt der Frevnt und ander frvm levte genvege. Diser brief ist gegeben ze Wienne, do von Christes gebvert warn Tausent zwai hundert iar uut in dem siebenten unt neunzigistem iar an vnser frowen abent ze der Liehtmesse.

Original auf Pergament mit zwei Siegeln. — Hormayr, Wien, Abtheil. II, Bd. I, Urkund. pag. 8, Nr. 199.