CLXIX.

Ich Reinprecht der Tvrse vergich vnd tun chunt allen den, die disen prief lesent oder horent lesen, die nv lebent vnd hernach chunf- tig sint, daz ich mit gutem willen vnd gvnst meiner erben, mit ver dachten mute levterlichen durch got vnd durch meiner vodern sel hail willen zu der zeit, do ich ez wol getun mochte, recht vnd rede- lichen geben han dem erbern goteshovs vnser vrowen hintz den Schotten ze Wienne meines rechten aygens zwaintzzich Wienner phenning geltes avff fvnf vnd dreizzich jeuchharten akchers, die da ligent datz sand Mychel pei Tribense avf den praiten avff dem Gra seweg, die man dem vorgenanten Goteshovse unser vrowen hintz den Schotten furbaz ewechlichen alle Jar davon diennen schol an sand Georgen Tage von den egenanten Ekchern mit allem dem rechte, als ichs in aygeus gewer herpracht han, und pin auch ich der vorge- uanten zwaintzzich Wienner phenninge geltes rechter scherm vnd gewer, als aygens recht ist vnd des Landes recht in Osterrich. Vnd daz dise rede also stete sei vnd furbaz vntzebrochen beleibe, dar- vber so gib ich vorgenanter Reynprecht der Tvrse disen prief dem egenanten goteshovs vnser vrowen datz den Schotten ze ainem offen vrchunde vnd gezevge vnd ze ainer ewigen vestnunge diser sache versigilten mit meinem Insigel vnd mit Hademares Insigel meines prüder vnd auch mit meiner vrowen Insigel vron Kathrein, hern Chraftes witeben von Svnnenberch dem got gnade, mit der gunst Yud guten willen dise sache gewandelt ist vnd der gezevge sint mit iren Insigeln. Diser prief ist geben ze Wienne nach Christes geburt drevtzehenhundert jar darnach in dem ayn vnd dreizzigistem jar, au dem perichtage.

Original auf Pergament mit drei Siegeln.

Foulea. Abth. II. Bd. XVIII. 13

194