LXXVIII.

Ich Reichgart von Tribaswinchel vergibe vnd tvn chund allen den, die disen prief sehent, lesent oder hocrent lesen, die nv lebent vnt hernach chvnftich sint, Daz ich mit gvtem willen vnd mit meines aidimes Jansen von Rör vnd seiner Havsvrowen Margreten meiner tóhter gvtem willen vnd gvnst vnd mit zeitigem Rat ander meiner frivnde verchavft han meines rehten aigens da ze Gerhartestorf ain viertail ainer hvbe, daz da dient alle iar fivnf Schillinge wienner phen- ninge vnd ain Hofstat daselbens, div avch dient fivnf Schillinge wien- ner phenninge alle iar vnd han verchavlft meines rehten aigens da ze Sevringen ain halbe Hvbe, div da dient alle iar Sechs schillinge phenninge vnd zwelif phenninge vnd Drev viertail ainer Hvbe da selbens, die mit ain ander dienent Zehen schillinge phenninge alle iar an zwelif phenninge, vnd ain Hofstat daselbens ze Sevringen, div da dient fivnf vnd zwenzich phenninge alle iar. So dient daz vorgespro chen gvt alles Dreizzich phenninge fvr weisóde. Die vorgenanten gvlte alle han ich Reichgart geben mit allem dem nvtz vnd reht, als ich sie in aigens gewer her praht han, umb zwai vnd Dreizzich phvnt wienner phenninge, der ich reht vnd redlich gewert bin, dem erbaern herren apt Perhtolde und der Samnvnge gmaine von dem Hailigen Chrevtze ledichlichen vnd vreilichen ze haben vnd allen ir n frvmen damit ze schaffen, verchavfen, versetzen und geben, swem sie wel len an allen irresal. Vnd dun her dvrch pezzer sicherhait, so setzzen wir vns, ich vorgenantev Reichgart vnd ich Jans ir aidem vnd ich Margret ir tohter, dem vorgenanten Herren apt PerJäolde vnd der Samnvnge gemaine von dem Hailigen Chrevtze vber die vorgenanten gvlte da ze Gerhartestorfvnd da ze Sevringen ze rehtem scherme fvr alle ansprache, als aigens rebt ist vnde des landes gewonhait ze

95

Oeeterreich, vnd geben in darvber disen prief ze ainem sibtigem chvnde vnd ze ainem offen gezivge vnd ze ainer ewigen vestnvnge diser sache versigilten mit vnser aller dreier Insigiln vnd mit disen erbaern gezivgen, die hernach geschriben stent, Daz ist, her Herman von Chramperch, her Vlrich von Wolfgerstorf, her Dietrich sein prvder, her Vlrich von Pilichtorf, Dietrich vnd Otte sein prvdere die dienstherren, Her Chvnrat von Preitenvelde, her Hainrich sein prvder, her Hayme, her Otte sein prvder, her Greijfe, her Chunrat der Harmarchter, der zv den zeiten Hvbmaister was vnd ander bi- dirbe levte genvch, den dise sache vnd diser chavf wol chvnt ist. Diser prief ist geben zewienne an sand Jorgen tage, do von Christes gebvrt waren ergangen Tavsent iar, zwai Hvndert iar, In dem Sibin- ten vnd Niunzigistem iare.

Original auf Pergament mit zwei Siegeln, das Siegel Margarethens fehlt.