CCCLXIV.

Wir Albrecht von gots gnaden Hertzog ze Österreich, ze Steyr, ze Kernden vnd ze Krain, Grane ze Tyrol etc. Bechennen, als die erbern geistleichen vnser lieben andechtigen, Abt Hainreich vnd ge- mainleich der Conuent des Gotzhauss vnser frawn datz den Schotten hie ze Wienn, zway phunt gelts wienner phenning, sechtzig Metzen waytz, Kruter mass, vnd sechs vnd virtzig Kes gelts, gelegen ze He- mad bei Krut auf funf Lehen vnd auf ainer hofstat, das alles desselben Gotzhauss rechts aygen gewesen ist, willikleichen vnd durch irs fru- men willen verwechselt haben mit vnserm lieben getrewn Hannsen von Liechtenstain von Nicolspurg, vnserm Hofmaister, vmb drew phunt vnd drey schilling gelts vnd vmbzwen muttKorn vnd zwen mutt habern gelts gelegen ze Parnewsidel auf dem Marchítela, ze Leub- manstorff vnd zeAschpach auf behausten gütern, das auch alles vnsers obgenanten Hofmeisters rechts aygens gewesen ist, nach lautt der brief, die si daruber gen einander geben habent, Daz wir als furst vnd herre des Landes zu demselben wechsel vnsern gunst vnd willen gegeben haben vnd bestetten den auch wissentleich mit dem gegenwur- tigen vnserm briefmitallerderzirvnd ordnung, als sitleich vnd gwön- leich ist vnd dartzu gehöret an geuer. Dauon so maynen wir, daz der vorgeschriben wechsel von baiden tailn vnd von allermenikleich stet vnd vntzebrochen beleib in aller der form vnd weis, als der besehenen ist vnd die brief lauttent, die von den vorgenanten baiden tailn daru ber geben sind. Wir wellen auch yettweders tails vber die güter vnd gülte des vorgeschriben wechsels rechter scherm sein vor allem gwalt vnd vnrecht, als wechsels vnd Landes reeht ist an alles geuer.

440

Mit vrchund ditz briefs, geben ze Wienn an Eritag nach sand Mar gretentag , nach Christi gepurde Drewtzehenhundert Jar darnach in dem vier vnd newntzigistem Jare. Original auf Pergament mit Siegel.