CCCLXVII.

Wir Albrecht von gotes gnaden Hertzog ze Osterreich, ze Steyr, ze Kernden vnd ze Krain, Graue ze Tyrol etc. Bekennen vnd tun kunt offenlich mit dem brief, als vnser lieber getrewr Helijas der Floytt die nachgeschriben vestt vnd Güter, vnser lehen- schafft, gemacht vnd gefüget hat vnserm lieben getrewn Hanns dem Floytten seim Bruder, daz wir zu demselben Gemachte vnser willen vnd gunst gegeben haben vnd geben auch wissentlich mit dem brief, also daz dieselben veste vnd güter mitsampt irr zugehorung nach des egenanten Helyas tod, oh er ane leibeserben abgect, geuallen sul- lent an den vorgenanten Hannsen seim Bruder vnd sein erben nach derGemechtbriefsag, die darumb gebensind, vonvns vnd vnsern Erben in lehens Bechten ynne ze haben vnd ze niessen vnd vns auch damit getrew vnd gewerttig ze sein, als gemechtes, lehens vnd Landes Becbt ist, ane geuerd, doch vns vnd vnsern Erben an der lehenschafft vn- uergriffenlich. Vnd sind das die Güter, des ersten die Vestt ze•Obern Streittdorff, item ain viertayl zehents ze veld vnd ze dorff, item ain Hof bey derselben vestt gelegen, item ain Hof, genant des Swarczenhof, itemzwo pewt wisen, deryeglicher zwaygantze Lehen

445

sind, alles ze Obern Streyttdorff gelegen, vnd drey fleischtisch ze Nydern Velebrunn gelegen, die da frey sind, das alles von vnserm fürstentum ze Osterreich Lehen ist, item ain viertail zehents ze veld vnd ze dorff, item ain Hof, des drew gantze lehen sind, item ain wysen, des auch drew gantze Lehen sind, item zwelf pfenning gelte auf einer gestitTteu hofstatt vnd zwen pfenning gelts auf ainer halben gestifften hofstatt, alles ze Furling gelegen, item ain halbes veld- lehen ze Obern Streyttdorff gelegen, item zehen Jewchart akkers vnd ein halbe lehen wyse, die daryn gehörnt, item ein halbes lehen, item zehenthalb iewchartakkers vnd ein gantze Lehen wys, die in dasselb halbes Lehen gehórent, auch alles ze Obern Streyttdorff gelegen, vnd das alles von wegen vnser Herrschafft ze Ortt von vns ze lehen rürt. Mit vrkund ditz briefs, geben ze Wienn au Pfincztag vor dem Sunttag als man singet Judica vnder vnser Pettschafft, wan wir vnser Insigel nutzemal bey vns nicht betten, nach Cristi gepurde drewczehenhun- dert Jar darnach in dem Sechs vnd Newnczigistem Jare. Original auf Pergament mit Siegel.