CCL1II.

Wir Engelschalch von Gotz gnaden Abbt des Gotshaws ze Seydensteten tun chunt allen lewtn, di den brief ansehent, lesent oder hornt lesen, Daz vnser voderr der geistleich herr Abbt Otakcher saeliger gedechtnuss vmb vnsers Gotshaws gut daz spoerleins lehen in der aw gnant einen brief mit seinem anhan- gunden Insigl gegebn hat, denselbn brief mit sampt dem Insigl habn wir aygenleich gesehn vnd er lawtt also von ainem wort an daz ander. Wir Otakcher von Gott gnadn Abbt ze Seiden- stetn vergehen vnd tuen chunt offennbar an disem brief alln den, di in ansehent oder hornt lesen, daz vns daz sporleins lehn

in der aw nicht mer dient dann .... syben schilling

aller vodr nach chain vmbgelt .... nicht gehort. Daz

in daz staet vnd vntzebrochn beleib, dar vber geb wir im vn- sern brief mit vnserm anhangundem Insigel. Des sind getzeugn

283

herr Fridreich der pfarrer ze Aschpach vnd Otakcher der Stiller vnd Alram sein bruder vnd Alram von dem Hfase?i Vnd Ekkel der Chellerer vnd Fridreich sein bruder vnd ander pider lewt genug. Daz ist geschehn, da von Christes gepurd ergangen sind tawsnt Jar vnd drey hundert iar dar nach in dem fumf vnd czwaintzgistn Jar, an Sand Phylipps vnd sand Jacobs tag. Mit vrchund des offenn briefs versigillt mit vnserm vorgenants Abbt Engelschalchs ze Seidnstetn anhanngundem Insigil. Gebn nach vnsers herr n Christi gepurd vber dreyczehn hundert iar dar nach in dem newn vnd sybenczgistn iar, an des heylign marti- rer sand Veits tag.

Original auf Pergament tlieilweise sehr verletzt; mit Siegel.