CXXI.

Ich Seifrit vnd min bruder Wulfinch di Hesiben, tvn chvnt allen den. di disen brif lesent oder horent lesen, daz ein chrieg waz swischen vnserm horren Apt Chunraten von Sytensteten vnd seinem gotzhaus. und vns vmb ein hof. der haizzet auf dem perge am winthag, wir iahen. er wer vnser reht lehen von dem Gotzhaus datz Sytensteten, do iach vnser herre der vor genant Apt Chvnrat von Sytensteten. er wer im vnd seinem gotzhaus ledickh warten. Do wart der chrieg also verslicht mit vnserm guten willen, nach vnser vreunt rat vnd nach pider leut slichtvng, daz wir haben gegeben vnsern herren Apt Chvn- raten von Sytensteten vnd seinem gotzhaus den vor genanten hof vnd ein mvl. di wir habn in dem vgenpach. di vnser rechtz aigen waz. vnd dinet setzickh phenning, also daz er vns den vor genanten hof mit der selben mvl hat geliehen czvnser paider laibe. verzigen aller vnser gerben, vnd swanne vnser ainer stirbet. so ist dev mvl ledickhleichen des vorgenanten gotzhaus, want der ander pruder chain recht dar an nicht en- hat, wir sollen auch alle iar zewelf phenning ze einem zins geben an vnser vrawentag. als si geparn wart. swen wir daz versitzen. daz wir den zins niht geben. so sol vns vnser herre apt Chvnrat von Sytensteten des nesten tags dar nach haizen pfenten auf dem selben gut vur den zins vnd vur das wandel. Stirbet vnser ainer. so schol der ander den noh den zins geben von dem hof. Swen wir danne paide niht ensein, so ist der selbe hof mit sant der mvl des gotzhaus datz Sytensteten ledick- leichen. an alle ansproch, Wir sullen auch dem selben Gotz haus den vor genanten hof mit sant der mvl mit dehaim vnserm frevnt nindert verchommern. vnd daz daz stete beleibe vnd vnze- brochen, dar vmb geb wir vnserm herren Apt Chvnraten von

136

Sytensteteii vnd seinem gotzhaus disen brif. besteting mit minem insigel. want min pruder niht insigels- hat, vnd mit miner freunt insigel, mit des lantrichter insigel Chvnrats von Svmeraw, mit herrn Hainrich und herrn Hertwické insigel der wasenner, mit hern Hainrichs insigel von Horaw, mit Rugers. insigel von Zauch. Daz ist geschechen des iars, dv van Christes geburt warn Tausent iar, vnd drev hvntert iar, dar nah im driten iar an sant Merteinstag. datz Sytensteten.

Original auf Pergament; von den sechs Siegeln fehlt das fünfte.