CLXII.

Ich Marichart der Preuhauen vnd mein hausvrowe. vro Margaret. hern Otten tochter von dem Stayn. vnd vnser paider chind. vergehn offenwar an disem prief vnd tun chunt. allen den. di in an sehent oder horent lesen. die nv lebent oder her nach chunftig werdent. Daz vns der Erber herr. Apt Ota cher von

175

Sytanstetn. daz gut verlihen hat. daz der erber herr. her Ott von dem Stayn von dem gotshaus ze Sytanstetn gehabt hat. in den luzzen ze ybsitz. ze rechtem lehen. Mit solicher beschaiden- hait. ob wir vnd vnserev paider chind an erben verfueren. so schol daz vorgenant gut des vorgeschriben gotshaus lediges gut sein. an chrieg vnd an allev ansprach. Wer auer daz. daz wir vnd hern Otten chinder von dem Stayn ze chrieg choemen vmb daz vor genant gut. des schol daz vor genant gotshaus an schaden beleiben. Daz disev red staet vnd vnzebrochen beleib. dor vber so gib ich Marichart der Preuhauen dem gotshaus cze Sytanstetn disen prief ze einem ewigen vrchund. bestetigt mit meinem anhangundem insigol. Dez sint gezeug. Her Christan der druchsaetz. Her vlreich von grunenberch. Her Hainreich von Cintzendorf. Her Ott von Traun. Her Buger von Zauch. Wolf- ker vnd Alram paid Wasner. vnd andrer erber leut genuch. genuch.

Ditz ist geschehen. do von Christo gepurt waren ergangen. Tausent iar. Drev hundert iar, Darnach in dem viervndzwaint- zigisten iar. An Vnser Vrowen tag in der Vasten.

Original auf Pergament; das Siegel sehr schadhaft.