CXL.

153

disen prief lesent oder horent lesen, daz ein chrieg waz zwischen vnserm herren apt Otten von Sytansteten vnd seinem gotshaus vnd vns, vmb daz gut datz elling. Dowart der chrieg also ver sucht mit vnserm guten willen, nach vnser vreunt rat, vnd nach pidern leut slichtung. daz wir sein gestanden von dem selben chrieg, vnd haben in auf gegeben. vnd haben vns ver- zigen des selben gutes. auf vnsers herren genad apt Ot. von sytansteten. vmb sechs phuut phening wieuner muencz, die er vns hat gegeben, daz wir sein gestanden von dem chrieg. vnd seint wier selben nicht insidels (sie) haben, so geb wir vnsern prief dem selben vor genanten apt Otten, mit der herren in- sigel, hern Hainreiches von harawe, Chunrates des lautrichter, Alrames des richter von Amsteten, Hainreiches von dem wasen, di pei der schidung sint gewesen. Ditz ist geschehen, do von Christes purt waren tausent iar. drev hundert iar- in dem zwelften iar. an sant Georgen tag.

Original auf Pergament, vier Siegel.

Elling O. W. W. Localis im Decanate Haag.