CXVI.

Ich vlrich pavz von wisenpach. tuen chvnt allen den. die hevt lebent vnt den. die noch chvnftig sint, daz ein chrieg was zwischen meinem herren Abt Chvnraten von Sytansteten vnd sinem Gotshavs vnd mir vm fvmf lehen der eins zchirch- steten leit in wolfspecher pfarr, vnd vierev bei der vrl in sant peters pharr in der avge, daz haizzet in der chrinne. daz ander an Cherntnerslehen. datz dritte datz Rvdolfen auf der hoech, daz vierde datz Rvdger hinter dem tobra holtz. Daz ich iach. dev selben fvmf lehen mein rechtz lehen wer n von dem Gotz- havs, do iah mein herre Abt Chvnrat von Sytansteten. si weren leibtgeding. Daz der chrieg also verslicht ist nach frvmer levt rat, daz ich vlrich vnd min housfrowe pericht vnd vnser chint, allez daz reht avf haben geben an den fvmf lehen vor genant. daz wier dar an haben gehabt, daz min herre abt Chvnrat vnd dev samnvng wir vnd miner housfrowen perchten dev selben fvmf lehen ze vnser beider leben hat geliehen. zv einem zins. daz wir schvln geben von den fumf lehen alle iar an sant Mychels tag ein halphvnt wienner, vnd swo wir die phenning niht geben an sant Mychelstag so schvllen dev selben fumf lehen dem Gotzhavs von Sytansteten ledich sein an alle an sprach, vnd swelchs vnser ains nich ist. so schol iz daz ander tuen. Swen wir oveh beidev niht ensein, so sint dev fvmf lehen ledichleichen des gotzhavs an alle ansprach. Vnd daz daz stet beleib vnd vnzebrochen. darvmb gib ich minem herren Abt Chvnraten von Sytansteten vnd sinem Gotzhavs disen brief

vnd besteting inrz mit des lantrichter insîgel, Chvnrade von Svmerawe, vnd hern ottens von der erl mines swehers. vnd hern Heinrichs von dem wasen, vnd hern Heinrichs von Glevs. dez richters von Sytansteten, vnd min selbes insigel ovch dar zv gib. Des sint zevch, Dietrich der gerber, Herman der nev- berger, Wolfger der icasner, Rvdger der zovcher, Seifrid der hesip, Alram der stiller, Otacher sein brvder. Daz ist geschehen. da von Christ pvrd warn tavsent iar, vnd drev hundert iar, vnd in dem andern iar. an vnser vrowen tag in der vasten.

Original auf Pergament mit fünf Siegeln.