CXXXVI.

Ich wernhart von Schafferuelde, vergich an diesem brief vnd tvn chvnt allen den, di in an sechent, oder horent lesen, di nu lemptich sint, oder her nache chvmftichc werdent, daz ich mit verdachtem muet vnd mit gutleichem willen meiner hausvrawen Anna, vnd auch mit gemainem rat aller meiner gerben, dev aigenschaft vnd alz daz recht, daz ich vnd mein hausvrawe Anna vnd ander alle mein gerben gehabt han an dem lechen datz Pransteten, daz da leit in der Trefnich, ze holtze vnd ze velde, besveehtze vnd vnebesvcehtze, gepavnz vnd vngepavnz, gestiftze vnd vngestiftze, vnser vrawen ze Seittensteten vnd abbt Otten vnd allen seinen nachchomen vnd auch der sammevnge dez selben Gotzehaus, vmb acht phvnt phenning wienner munzze, vnd vmb ains ze leichofe meiner hausvrawen Anna ze chauffen han gegeben, vnd schol ich wernhart von Schafferuelde vnd mein hausfrawe Anna vnd an der alle mein gerben vnser vrawen ze Seitensteten vnd Abt Ottenz vnd aller seiner nachechomen vnd aveh der sammevnge dez selben Gotzehaus vmb daz vorgnant lechen datze Pran steten, daz da leit in der Trefnich, gewer sein, vnd auz richten an alle ir mve, ob daz vorgnant lechen datze Pransteten ieme ansprechen wolt, vnd daz daz vnser vrawen ze Seittensteten vnd Abt Otten vnd allen seinen nachechomen vnd auch der sammevnge dez selben Gotzehaus, vmb daz vorgnant lechen datze Prantsteten stet vnd vnzebrochen beleibe. da gibe ich disen brief vber ze einem waren vrchunde, verinsigelt mit meinem insigel vnd mit Alrams insigel von Beigerstwf, Richter zu Amsteten. vnd sint dez chavffez zevche, Her Hainrich von den winden, wolfker vom wasen, Roger von zavcha, Herman der Nevnberger, Ott von Reigerstorf, Dietrich sein bruder, Dietrich von Gleuzze, Alram der Stiller vnd ander levt genuch biderber, di da bei waren. vnd ist daz geschehen, do von Christez ge hurt waren ergangen. Drevzechen hvndert iar vnd in dem zwelften iar an sant Pauls tage dez becherer.

Original auf Pergament; zwei Siegel.

150