CCXLII.

1374. 13. December. Sine loco. — Mathes der Malzendorfer und

gehörigen Zehenten.

Ich Mathes der Maeczendorff vnd ich katherina sein haus- vraw Ich Nycla der Meteser vnd ich Agnes sein hausvraw vnd all vnser eribn sun vnd toechter wir vergehn offenbar mit dem gegenwurtigen brief vnd tun schund allen leutn di in ansehent lesent oder hornt lesen, daz wir mit wolbedachtem mut nach vnser pesstn frewnt rat mit gutleichem willen vns geauzzent haben czu furczicht vnd verczeichen vns auch gancz vnd gar des hofs der genant ist der Wasenhof vnd des halben czehents dar auf vnd der mul dapey in der Neydaw vnd des ganczen czehentz auf derselbn mul mit allen zugehorung wie di genant sind in Sytansteter pfarr gelegn, denselbn hof mit alle diu vnd vorgenantn ist Purkhart der Newnburger vnser obgenantn Mathes des Maeczendorffer vnd Nyclas des Meteser sweher vnser egenantn katherine vnd Agnesen vater den ernwirdign geistleichn herrn .... dem Abbt vnd dem Conuent des Gotshaus cze Sytanstetn von dem derselb hof vnd allez daz vorgeschribn stet sein rechtes lehen ist gewesen mit vnserm gutleichn willen redleich vnd recht hat cze chauffen gegebn vnd geantwurtt auz seiner vnd aller seiner erben nuez vnd gwer in ir nuz vnd gwer vm ain gelt des er vnd all sein erbn gancz vnd gar gericht vnd gwert sind, also beschaidenleich daz wir vnd all vnser erbn an dem vorgenantn wasenhof vnd an dem halbn zehent dar auf an der mul in der Neydaw dapey vnd an dem ganezn czehent darauf mit aller czugehorung wie di genant sind hin fur chain recht schulln haben weder vil nach wenikch vnd wir vorgenant und all vnser erbn schulln gegen den vorgenantn geistleichn herrn gegen dem Abbt vnd dem Conuent vnd auch gegn dem Gotshaus ze Sytanstetn dar vmb furbaz chainn czuspruch schulln haben oder gewinnen weder mit recht nach an recht. Sew schulln

267

auch da mit vreyleich hinfur allen irn frum traiten vnd schaflfn mit inn haben, niezzen, verseczzen vnd verchauffen vnd mit aller handlung an all vnser vnd aller vnser erbn irrung wir sein lebentig oder tod. daz di red also stet vnd vnuerchert beleib, dar vber czu ainem sichtigen vrchund vnd czu ainer warn geczeugnuss der vorgeschribn sache geb wir den offtge- nanten ernwirdign geistleichn herrn .... dem Abbt vnd dem Conuent des Gotshaus cze Sytanstetn den offenn brief versigilt mit vnser vorgenantn Mathes des Maeczendorffer vnd Nyclas des Meteser czwain anhaugunden Insigiln hinder di wir egenant katherina vnd Agnes ir hausfrawn des obn genantn Purkcharts des Newnburger toechter mit alln vnsern erbn vns willichleich habn verpuntn allez daz stet ze habn dazvor geschribn ist. Der sache ist geczeug durich pezzer sicherhait der erber herr her Otakcher der wolfstainer mit seinem anhangundem Insigil in an schaden. Der brief ist gegebn nach vnsers herrn Christi gepurd vber dreyczehen hundert jar dar nach in dem vier vnd syben- czgisten jar an der heyligen junkfrawn sand Lucie tag.

Original auf Pergament mit drei Siegeln.