CXXXII.

Ich Ott von hausekk genant Stainer. tvn chvnt allen den. di den brief an sechent vnd horent lesen. daz ich mit meiner svn gutem willen den hof. der do heizzet hinterperch. vnd allez daz. daz zv dem hof gehoret. besuchtz vnd vnbesuchtz, genantz vud vngenantz. vnd (swaz?) man schaft an dem zehent des selben hofes. mit dem walde. dor do pei gelegen ist. vnd mit einem revt in dem selben wald. daz ich alssant het ze rechtem lehen von meinem herren abt Otten von Seitensteten, vnd von seinem Goteshavs. im han avf gegewen vnd seinem goteshavs vm Sv- bentzg phunt phenning. wer awer iemen. der daz vorgenant Goteshaus ansprech vmb daz vorgonant gvet. des sol ich vnd meinev chint desselben Goteshavs gewer sein. vnd swas sein daz goteshavs schaden nom. den sol ich im ab tvn vnd mein svn, vnd daz daz gelube stet beleib, dar vber gib ich im meinem herren abt Otten vnd seinem goteshavs, meinen brief mit mit meinem insigel. vnd sint des gezevg. her vlreich de Chelner. her heinreich der pfarrer datz ybsitz. vnd her hertweich sein bruder. her heinreich vonn winden. her herttveich. her Otto. her wolfger wanner. Ditreich von Glevzz. Alram der Stillei-. Otacher soin bruder. Levpold der Ger. Ludweich der amman. vnd ander frvmer levt genug. Daz ist geschechen, da von

Fontes. Abflilg. IL Bd. ХХХШ. 10

146

Christes geburd waren tausent iar, vnd drev hvndert iar, dar nach in dem aindleften iar, an sant Erhartz tag.

Original auf Pergament mit dem Siegel.

CXXXIIL

1311. 15. Juni. Sine loco. — Die Brüder Seifrid und Heinrich von Dobra

geben Abt Otto mehre Lehen auf und verzichten auf die von ihrem Bruder

Dietrich dem Stifte verkauften Güter.

Wir Seif rit vnd Heinreich die Schenchen von Tobra, ver gehen offenwar, vnd tvn chunt allen den, di disen brief sehent oder horent lesen. daz wir durch vnserr sel. vnd durch aller vnserr vodern sel willen haben avf gegewen, vnser vrowen datz Seytensteten, vnd dem erbern herren apt Otten dev guet vnd dev lechen, dev hie geschriebent sint, daz guet datz der linden an dem Rasperg. daz lehen pei der chirchen auf saut Mychelsperg, daz lechen avf dem puchel, da arnolt auf gesessen ist, vnd daz lehen in der trefnich hinter dem holtz, da per auf sas. dor ev verceich wir vnz allez dez gutes, daz apt Chvnrat gelevst vnd choft hat, zv dem vor genantem gotes- havse, datz vnserm bruder hern Dietreich dem Schenchen, wil- lichleichen vnd gvtleichen, vnd sagen iz ledich vor alle an- sproch, von allen vnscrn erben, vnd von aller vnserr noch- chunft, dor vber geb wir dem erwern herren apt Otten vnd seinem goteshavs datz Seytensteten disen brief ze einem ewigen vrchunde. vnd ze einem ewigen gezevge, bestetiget vnd geue- stet mit vnserr paider insigel, des sint gezevg. Her Ott vom stain, her heinreich von haraw, Rueger von Zauch. Dietreich von Glevzz, Dietreich von erwing, Alram der stiller, Dietreich am lechen, ekkel von winden, vnd ander bider levt vil. der namm nicht geschriben ist. Daz ist gesehen vnd ergangen,, da von Christes goburt ergangen sint tavsent iar, vnd drev hvndert iar, darnach in dem aindleften iar, an sunt veitz tag.

Original auf Pergament; zwei Siegel.