LVII.

Venerabili in Christo patri [Ottoni]. dei gratia Episcopo Patauiensi Guido miseratione diuina Sabinensis episcopus. Salu- tem et sinceram in domino caritatem. Sua nobis Hugo mona- chus Monasterij in Sytansteten. ordinis sancti Benedicti uestre diocesis. lator presentium humili nobis confessione monstrauit. quod cum olim Abbas ipsius Monasterij ipsum non monitum nec citatum. primo ad delationem cuiusdam monachi ipsius Monasterij excommunicationis vinculo innodasset. et a Monasterio eiecisset eodem. et postmodum idem abbas eundem H. iam reuocatum ad claustrum et per eum ab excommunicationis huiusmodi vinculo absolutum. in tenebroso loco ipsius monasterij collocasset ad penitentiam peragendam. prefatus monachus. qui eum prius accusauerat. associatis sibi quibusdam laicis ar- matis ipsum quadam nocte in absentia abbatis de loco predicto et de claustro fecit extrahi et eici violenter. Et quia dictus Abbas. quod de ipso H. factum fuerat. per eosdem monachum et laicos ratum habens excessum huiusmodi corrigere non cura- bat. idem H. ex hoc plurimum concitatus. abiecto habitu mona- chali et laicali assumpto. nocturnis horis intrans Sacrarium Monasterij supradicti. privilegia ipsius Monasterij et res alias exinde asportavit. quas tam diu tenuit. donec prefatus abbas eum ab obedientia sua absoluit. et restituit sibi pecuniam. quam ... quondam pater suus pro ingressu suo dederat Monasterio memorato. Verum cum sepedictus H. non speret se posse ulterius cum salute anime et absque graui scandalo in eodem Monasterio remanere. licet restituerit priuilegia supradicta. et tam super hijs quam aliis iniurijs. quas intulit Monasterio et per- sonis ibidem degentibus. ueniam et remissionem obtinuerit. ab Abbate et Conventu ipsius Monasterij. prout in ipsorum dicitur

68

litteris contineri. nobis humiliter supplicauit. ut sibi super hoc prouidere misericorditer curaremus. Nos igitur iniuncta eidem monacho super premissis excessibus et alijs peccatis suis abso- lutione preuia penitentia salutari. ad vos remittentes eundem. Paternitatem uestram rogamus. monemus et hortamur attente. Vobis auctoritate domini pape. cuius penitentiarie gerimus curam. mandantes. quatenus si est ita. ipsum H. in aliquo Monasterio eiusdem ordinis vestre diocesis collocetis. facientes ipsum inibi recipi. et sincera in domino caritate tractari. ne periculoso cogatur ulterius euagari per seculum in ordinis predicti obpro- brium et anime proprie detrimentum. uel propter hoc iterato apostolice sedis auxilium implorare. Datum apud Vrbemueterem Idus Februarij. Pontificatus domini Urbani pape IIII. anno Tertio.

Original auf Pergament; Siegel in grünem Wachse. Aus den Mon. Boic. T. XXIX. Th. II. S. 455. N. 78.