CXLIX.

Ich Weigman purger ze ybs, vnd ich Jevt sein havsvraw, vergehen vnd tuen kunt allen den, di disen prief lesent oder horent lesen, di nu lebent vnd hernach chumftich sint. Daz wir mit guotem rat, vnd mit wolverdachtem muet, vnd mit guetem willen vnser tochter vraven Gerdravten vnd aller vnser gerben, vnsern weingarten, der da leit ze Rehperch au dem Lintberge, haben gegeben noch vnser beyder tot hintz dem Chloster ze Seytteinsteten den herren, vnd vnser vrawen zu lob vnd zu ere, vnd vnsern selen zu eynem ebygem hayl, vnd vnsern Ohem hern Nyclaen zu eyner vurdrunge, ledichlei- chen an alle ansprach. Vnd dez sein gezevge, her Symon der Richter ze ybs, vnd sein Bruder her Tyetreich, her Jans vnd vnser eydem her Peter, her Reycher, her Herman vnter den Tyschen. vnd ander Byderbe leut gonuch. Daz dy geschieht stet sey. vnd jmmer ewichleichen vnzerbrochen beleib. Dar vber geb wir den vorgenanten herren ze Seyttensteten dysen prief. versigolt mit vnserm anhaugvndem Insigel. Dyser prief ist gegeben da von Christes geburt ergangen waren Drewzehen- hundert Jar, dar nach jn dem Sehzehendem jar an vnser vra wen tach. als sy geborn wart.

Original auf Pergament, drei Siegel.

Rechberg beim Lintberg, O. M. В., in der Pfarre Imbacb. Dec. Krems

Fontes. Abthlg. II. Bü. ХХХШ. 11

162