CLIX.

Ich Chvnrat Puchowe. vergich offenwar, vnd tuen chvnt allen den, di disen prief sehent, oder lesen horent. di nv lebent

171

oder hernach chvmftig sint. Daz ich mit woluerdachten mvet. vnd mit meiner hansurowen Alhaiten, vnd mit aller meiner Erben guetleichen willen. vnd auch mit meiner gesweien. Chvn- ratz van Chukching vnd Ludweiges van Ybsitz. vnd mit andere irre Erben guetleichen willen. dev halb Stameinrnul daz Ibsitz. vnd dev drev halbev lehen auf der Hohenwart. vjid dev drev Nevreut in der swartzen Ibsitz, daz ich allez van dem Gotshaus datz Seydensteten ze lehen gehabt han. meinem horren Apt Gvndachern van Seydensteten. vnd seinem Gotshaus. wesucht vnd vnwesucht, mit allem Cehent, vnd mit allem dem. daz darzue gehort. ze veld vnd ze holtz. ledigleich vnd vnver- sprochenleich vmb vier vnd tzwaintzig pfunt pfenning wienner munzz. ze chaufen gegeben han, vnd auch ich derselben pfen ning gantz vnd gar gewert pin. vnd daz dev red stet vnd vnze- prochen weleib. doruber gib ich vorgenanter Chvnrat Puchowe. meinem herren Apt Gundachern. vnd seiner Samnvng vnd seinem Gotshaus datz Seydensteten disen prief ze vrchund. westaetten mit meinem hangvndcm Insigel vnd mit meins gesweien hern Fridreiches des Pfarrer van Aspach insigil. vnd mit hern Chon- ratz va Seisenekk des Lantrichter Inssigil. Des sint gezeug. her Lybhart der Prior. her Otakchei: her Rueger van zavch. her Älram van Reichkerstorf. her walther van Meilestorf. her vlreich der Pauzz. wolfker vam wasen. Rudolf van vgental. Ditreich van winden. Hitreich van Erbing. Älram vnd Hainrich vam wasen. Herman Eisenhof. Hainreich van Elling. Alram vnd Otakcher die Stiller. vnd ander pider leut genueg. Daz ist geschehen datz Seydensteten. do man tzalt van Christes gepurt. Tausent jar. drev hvndert jar. vnd dornach in dem ainem vnd Czwainzigisten jar. an sant Valenteins tag. Nach der Lichtmesse.

Original auf Pergament; von den 3 Siegeln fehlt das mittlere.

Schwarze Ybbsitz, auch schwarze Ois genannt, entspringt auf der Nord seite des Friesling und ergiesst sich nach fünfstündigem Laxife zwischen Waid- hofen und Ybbsitz in die Ybbs.