w ir jLudwig von Gots gnaden Romischer keiser zu fllen zyten merer des richs, yerjehen vnd tun kunt offentlichen an diesem briefe, daz wir angesehen haben die kuntlichen grosse schulde vnd berhche notturft des gotzhuss vnd des stiftes zu Spire, vnser vnd vnsern vorfaren kunige vnd keiser vrithoves, dem wir vor andern stifften gebunden sin, widder zu bringen vnd zu helffe komen vnd auch durch der dankbaren genemen dienste willen, die derselbe stiflFt vns vnd vnseren vorfarn kuntlichen getan hat vnd sunder- liche der erewirdige Gerhart, erwelter vnd bestetter bischoff des vorgenannten stiffts, vns noch getun mag, haben wir yme vnd demselben sinem stiffte von vnserm keiserlichen gewalt diese sunderfiche helffe vnd gnade williglichen getan vnd auch thun vnd verschriben mit diesem gegenwertigen ' briefe, daz er, sin stiffte vnd sin nachkommen bischove zu Spire zehen gantzin jar nach einander die an sollent geen, so er nutzlichen anhebet zu nehmen vnd nymet vngeverlichen ne- men mogen vnd sollen zu Luterberg oder zu Utenheim dry grozze turnoss von yglichem fuder wynes, daz den Ryn abegat vnd als vil nach marcktzale von anderer kauffman- schafft, dye off oder abe gat denselben Rin, swi die ge- nannt sy, zu stuir, zu helffe vnd zu forderunge, demselben stieffte an sinen schulde vnd gulte, alss es schuldig ist. Auch wollen wir, daz dem vorgenannten Gerharten, sinen stiflt vnd sin nachkommen bischove zu Spire an der vor-

1338 mai 10. 535

geschriben vnserer keiserlichen gnade vnd notturfftigen helff vnd stuir nicht schade oder irren sulle soliche brieve, obe wir deheyme fur geben hetten oder noch geben mochten, den fursten vnd stetten zu dem lantfriede by dem Hyne. oder andern personen swer die weren sunderlichen oder gemeinlichen in welchen formen die beschriben weren, die vnser gegenwertigen genade gehindern oder geirren mocht. Vnd daruber wollen vnd gebieten wir allen fursten, herren, stetten, pflegern vnd ampiluten vnsern lieben getruwen, swi die genannt sint, ernstlichen vnd vestiglichen, daz sy in die vorgenannt zehen jare an dem innemen des zolles, als wir das vor verschrieben haben in deheyne wise irren oder hindern by vnsern hulden vnd daz sie yme mit allen sachen darzu suhderlichen beholffen sin, so sie beste mngen. Vnd daruber zu eynem urkunde geben wir in diesen brieff mit vnserm keiserlichen ingesiegel besiegelten. Der geben ist zu Franckfurte an dem sonntage Cantate nach Cristes ge- bttrte druzehen hundert jare darnach in dem achten vnd drisigsten jare in dem vier vnd zweyentzigsten jare vnsers richs vnd in dem eynleften des keiserthums.