H einricus divina favente clemencia Romanorum imperator augustus et rex Sicilie. Quoniam serenitatis nostre subli- mitas exigit, ut ea, que in statutis antecessorum nostrorum ahquid ambiguitatis offerunt. nostra interpretacione declaren- tur et perspicua fiant, et que discordiam nutrire videntur, imperiali auctoritate ad statum pacis et tranquillitatis refor- mentur, dissensionem illam, que de moneta Spirensi inter fidelem nostrum Ottonem venerabilem Spirensis ecclesie epi- scopum, et dilectos nostros eiusdem ecclesie canonicos ver- tebatur, penifus amputare decrevimus secundum antiquorum privilegiorum tenorem ac iuxta peticionem prefati episcopi,

134 1196 iuni 26.

sancientes, ut de cetero Spirensis moneta libralis sit, quod vulgo phundich dicitur, sub ea scilicet forma, quod XII. uncie et VI. denarii unius marce pondus habeant, et XtII. uncie et VI. denarii unam marcam puri argenti valeant et representent. Nulla alia mutacio in hiis fieri debet, nisi quod singulis annis si voluerit episcopus, novum signum pro arbitrio suo denariis imprimetur. Ut autem hec con- stitucio omni evo inconvulsa permaneat, presentis scripture et sigilli nostri auctoritate eam corroboramus. Et ne aliqua potestas ipsam monetam in levius aut deterius imminuat, aut aliqua racione sine communi consensu et voluntate pre- latorum et canonicorum nostrorum permutet, sub pena cen- tum librarum auri firmissime statuimus. Huius rei testes sunt, Cuonradus Argentinensis episcopus, Fridericus prepositus sancti Thome et frater Argentinensis ecclesie, comes Al- bertus de Tagesburg, comes Sigebertus, Cuno de Minzen- berg, Heinricus pincerna, Drusardus de Spira et alii quam plures. Acta sunt hec anno dominice incarnacionis MCXCVI. indict. XIIII. Datum apud Hehenheim VI. kal. iulii.