w ir Karl von Gots gnaden Romischer keyser zu allen zyten merer des richs vnd kunig zu Beheim, entbieten allen mannen vnd burgmannen vnd auch burgern, stetten gemein- lich vnd vndertenigen des stiefftes zu Spire, vnsern vnd des heiligen richs lieben, getruwen. Wissent daz wir den er- wirdigen Lambrecht, bischof zu Spire, vnsern lieben fursten vnd andechtigen mit dem erbern Eberhart dechant zu Spire gesunet vnd verrichtet haben nach lute der briefe, die wir yne yetweder syte daruber gegeben haben. Darumb ge- bieten wir vch mit ernste, by vnsern hulden, daz ir dem egenannt uwerm bischoff als uwerm rechten hern huldet vnd schweret, als manne vnd burgmanne yrem herren schul- dig sint zu sweren vnd zu hulden. Tetet ir das nicht vn- verzogenlichen, so wissent das derselbe uwer bischoff, uwer mannlehen vnd burglehen wirdet andern luten verlihen, die es gerne von ime sullen emphahen, darzu ym wir wollen sin beholffen vnd wollen yn nicht lassen. Geben zu Prage am frytag nach sant Agnethen dag vnserer riche in dem neunzehenden vnd des keiserthums in dem zehenden jare. Per dominum imperatorem, Rudolphus de Frideberg.