Syboto Dei gratia Spirensis episcopus, praesentium in- spectoribus nniversis salutem in Domino sempiternam. Con- stitutionem et ordinationem edictam et factam per quondam venerabilem patrem et dominum nostrum, F. episcopum Spi- rensem, nostrum praedecessorem, de praebendis fratrum se- dium ecclesiae nostrae Spirensis, consensu honorabilis viri Wernheri de Bolandia, praepositi dictorum fratrum sedium tunc etiam accedente, innovamus, approbamus et confirmamus perpetuo valituram, denuo statuentes, ordinantes et volentes, ut fructus praebendae cujuslibet fratris sedium decedentis post mortem suam per integrum annum a tempore mortis ejusdem fideliter colligantur et ad augmentandum communiter redditus earundem praebendarum in possessiones certas et utiles eisdem praebendis deputandas, integraliter convertan- tur et per hujusmodi augmentum reddituum commodius va- leant sustentari. Qui annus etiam annus gratiae cujuslibet nuncupatur. Eo etiam anno finito frater, cui praebenda fra- tris mortui seu decedentis collata fuerit, ab eo tempore fruc- tus praebendae sibi collatae percipiat integraliter et com- plete. In cujus rei testimonium sigillum nostrum praesenti- bus est appensum. Datum Spirae, anno Domini MCCCXIII. IlII. idus maji.