Otf0 Dei gracia comes de Eberstein, et Emecho comes de Liningen, universis ad quos presens scriptum pervenerit, sa- lutem et credere subnotatis. Cum in causa, que inter capitu- lum ecclesie Spirensis ex parte una, et universitatem civitatis ibidem ex altera super decima minuta et foresto in Phaf

fenawe verteretor, in nos tamquam in iudices a dictis capi- tulo et universitate fuerit compromissum, ita quod utraque pars sentencie nostre in hac parte sine contradictione qualibet stare seu parere debeat, nos quia iudicantem sive iudicantes cuncta resummari oportet, super premissis articulis diligenter inquisi- vimus veritatem ac plene cognovimus seu didicimus, quod Deo debita sit solucio decimarum in tantum, ut in hiis prescripcio locum non habeat et quod ad eas solis clericis exhibendas, qui- bus ipsas Deus pro suo cultu concessit, laici si moniti reddere noluerint, distinctione ecclesiastica sint cogendi, nec eciam imperialis concessio quantumcunque generaliter fiat, potest aliquem a solucione eximere decimarum. Preterea inspexi- mus privilegia capituli predicti, in quibus continetur, quod universitas memorata decimam minutam tam infra civitatem Spirensem, quam extra solvere tenetur capitulo sepedicto. Hiis igitur racionibus moti, que continent ius expressum, sum- mando dicimus, quod eadem universitas tam ex constitucione divina, quam eciam iure speciali ad solucionem pretacte de- cime infra muros civitatis et extra eidem capitulo teneatur ac competenciam eiusdem decime ipsi capitulo adiudicamus presencium testimonio literarum. Item cum capitulum preno- tatum triginta annis et amplius iu quieta et pacifica posses- sione foresti in Phaffenawe extiterit, ita quod nulli hominum licitum fuerat secare ligna in dicto foresto preter Iicenciam et consensum capituli eiusdem, nos in omnibus per viam iuris incedere volentes, auctoritate iudiciali, qua fungimur in hac parte, prefatum capitulum in eandem possessionem foresti se- pius dicti, in qua fuerint, remittendum duximus et per sum- mam remittimus iusticia exigente. Datum anno Domini MCCLX.