A.lbertus decanus totumque capitulum ecclesie Spirensis, ad certam rei evidenciam in perpetuum. Cum res temporales, que quodammodo ex sui dispensacione illicita implicant ad peccatum augmento cultus divini nominis applicantur, mutacio dextere Excelsi operatur, que suos vere dilectores in pre- senti ad uberiora bona provehendo, pro transitoriis eterna ipsis largitur premia in futuro. Sane dilectus noster Dithe- rus de Wachenheim ecclesie nostre prebendarius, illectus dulcedine divine suavitatis, querens non sua, sed que Christi Ihesu, cum haberet commune ius nobiscum in iure patrona- tus, decimis et aliis, que cum universitate in villa Geinsheim, Spirensis diocesis, pariter et quiete percepimus, sicut et nunc et tredecim modiorum siliginis civilis mensure redditur, quos in villa Retersheim hactenus quiete possedit, in manus nos- tras publice resignavit, nobis eadem assignans perpetuo cum omni iure et utilitate possidendi, ut nos singulis annis in quo- libet termino quatuor temporum ipsi decem modios siliginis civilis mensure de nostro granario quamdiu voluerit assig- nemus vel persone post personam uni successive altari beate Catharine, in nostra ecclesia hiis redditibus ab ipso dotato, secundum quod ipse ordinare decreverit in dictis terminis secundum modum et formam prescriptam in perpetuum idem faciamus, impedimenti cuiuslibet seu contractionis obstaculo non obstante. Prebende autem assignacionem eiusdem quoad vixerit sibi et Rudolfo de Berwadstein, canonico ecclesie sancti Widonis Spirensis, nepoti suo post se ipsum reser