F Dei gracia Spirensis episcopus, omnibus hoc scriptum intuentibus salutem in auctore salutis. Accedens ad nos di- lectus fidelis nosfer Ludewicus, miles de Libencelle, pro- posuit coram nobis, quod cum ipse recogitasset in animo suo, se viros honorabiles et religiosos, abbatem et monachos de Alba, Cisterciensis ordinis, nostre diocesis, dampnificasse et diversis pressuris et iniuriis eosdem sepius molestasse, cupiens in restaurum et reconpensam dampni prelibati, de possessionibus et rebus aliis aliquam facere donacionem, que et ipsis fructuosa foret et eidem L. pro culpis, quas contra- xerat eos ofiendendo, graciam divine maiestatis ac meritum comparet. Hinc est, quod cum idem L. ius patronatus ec- clesie in Merkelingen disposuerit in dominium ac proprieta- tem predictorum abbatis et monachorum de Alba transferre ius ipsum patronatus cum universitate nostris manibus assig- nando, petivit vice sua donacione inter vivos per nos ipsis donari cum omni iure et utilitate, sicut ad ipsum et ante- cessores suos pertinuit, tam in primiciis quam in decimacio- nibus et aliis emolumentis ibidem. Nos igitur pium affectum ipsius L. considerantes ac laudabile votum suum in Domino commendantes, ius patronatus predictum cum omnibus atti- nenciis" suis supra memoratis ex mera liberalitate donacione inter vivos ad prefatos abbatem et conventum de Alba du- ximus transferendum, recogitantes pium esse et coram summo Deo acceptum, ut iura spiritalia, iuri patronatus annexa, de manu laicorum bono modo eripiantur et ad personas eccle- siasticas auctoritate pontificali per modum canonicum trans- ferantur. In cuius rei evidenciam presentem literam sigilli nostri munimine fecimus roborari, cum appensione sigilli pre- fati Ludewici de Libencelle. Acta sunt hec anno Domini MCCLXXII.

332 1273.