W ir Karl von Gots gnaden Romischer keyser zu allen zy- ten merer des richs vnd kunig zu Beheim, verjehen vnd tun kunt offenlich an diesem briefe allen den, die ien sehen oder horen lesen, daz wir haben angesehen steten nutzen vnd getruwen dienst, den der erwirdig Gerhart bischof zu Spire, vnser lieber andechtiger furste vns vnd dem heiligen Bomischen riche oft bewiset hat vnverdrossenlich vnd noch tun sol vnd mag in kunfftigen ziten. Darumb bestetigen wir iem vnd sinen nachkommen kunftigen bischofen zu Spire von vnserm keyserlichen gewalt vnd von besundern gnaden alle zolle, geleite, fryheite vnd gute gewonheite, die er vnd die stifft zu Spire von Romischen keysern vnd kunigen se- liger gedechtuisse, vnsern vorfaren bissher bracht vnd ge- habt haben. Vnd erlauben iem auch von sunderlichen gna- den vnd gunnen iem auch das, daz er ein vare vnd eine mule haben vnd machen mag vff dem Ryne, in sinen ge- biete, wo es iem aller nutzlichest vnd aller gefuglichest mag gewesen vnd daz die eweclich vngehindert werden vnd bliben sollen. Auch bestetigen wir iem den wiltpan in den zielen vnd vnder den penen, als er vnd sin stifft zu Spire den von vnsern vorfaren an dem riche den gehabt vnd herbracht habent. Wir gunnen vnd herlauben iem auch von sunderlichen gnaden, daz er die vorgenannte geleite, die er in sinem bistum nimmet, die in siner gebiete, an wel- chen enden iem daz aller fuglichst ist, haben vnd nemen mag mit behaltuisse vns, dem Romischen riche vnd yeder- mane siner rechte. Darumb gebieten wir allen lantvogten. leuten vnd allen andern vnsern vnd des richs getruwen, wer die sien oder wie man die genennen mag, die nu sin oder hernach kunftig werden, daz sie, noch niemant an- ders von iren wegen den vorgenannten Gerhart vnd sine nachkommen bischoffen zu Spire an den vorgenannten gna- den, die wir ien getan haben, by vnsern keyserlichen gna

606 1355 august 24.

den nicht hindern, noch erren sullen in deheine wise. Mit vrkunde diess briefes versiegelt mit vnsern keyserlichen in- gesiegel. Der geben wart anno Domini millesimo trecente- simo quinquagesimo quinto die Bartholomei apostoli vnser rich des Romischen in dem zehenden, des Beheimischen in dem nunden vnd des keyserfhums in dem ersten jare.