w ir Karl von Gots gnaden Romischer keyser zu allen zyten merer des richs vnd kunig zu Beheim, bekennen vnd tun kunt offenlich mit diesem briefe allen den, die yn se- hent oder horent lesen. Wie wol daz sy, daz wir nuwe- lich den von Wingarten, vnsern vnd des richs lieben ge- truwen, haben verschrieben vnd gegeben einen nemlichen zoll vff dem geleite zu Rinzabern vff zu heben vnd vff zu nehmen, nach lute vnser keyserlichen briefe, die sie daru- ber haben. Doch ist vnser meynung nit gewesen vnd ist auch noch nit, daz sulcher vnser gnade vnd briefe in kei- nen sachen besweren den erwirdigen Lamprecht bischoff zu Spire, vnsern lieben fursten, heimlichen rat vnd andechtigen oder sinen stifft, sint dem mal daz das egenannte dorff Rinzabern des egenannten vnsers fursten vnd sins stiffts ei- gen ist vnd in sinem lande vnd vff siner strasse gelegen ist. Davon so haben wir mit rate vnser vnd des heili- gen riches fursten vnd herrn von keyserlicher macht die- selbe gnade vnd briefe widerruft vnd getotet, widerrufen vnd toten sie auch mit rechten wissen vnd mit crafft diess briefes vnd wellen auch, dass sie furbasser keine macht noch kraft haben sollen, wo sie vmmer funden worden. Vnd wollen vnd gebieten auch den vorgenannten von Win- garten by vnsern vnd des riches hulden, daz sie sich der gnaden, die sie von den vorgenannten briefen haben moch- ten, gar vnd gentzlich verzihen vnd abetreten. Vnd gebie- tcn auch dem vorgenannten vnserm fursten, daz er nicht ge- statte, daz man mere, dann es von alter herkummen ist, neme vnd allen burgern, kaufluten, (urluten vnd steten, daz

1368 marr. 2*. 659

sie nicht mere, wann es von alter herkummen ist, bezalen snllen, als lieb ien vnser vnd des riches hulde sy, zu be- halden. Mit vrkunde diess briefes versiegelt mit vnserm keyserlichen grossen ingesiegel. Der geben ist zu Prage anno Domini millesimo trecentesimo sexagesimo octavo, feria tertia post Jurlica, vnser riche in dem zwey vnd zwentzig- sten vnd des k^ysertums in dem drutzehenden jare.