Bertoldus miles, Conradus et dictus Sueneger, fratres de Remechingen, presencium inspectoribus fidem subscriptis ad- hibere. Exigunt quidem varii hominum eventus ea que fiunt scriptorum testimonio roborari. Quare est, quod nos per presentes iam degencium, seu in posterum vivencium me- morie sive sciencie volumus inculcari, quod nos, una cum fratribus nostris Alberto et Heinrico in annis adolescencie constitutis, vendimus decano et capitulo Spirensi universam decimam maiorem et minorem, tam in vino quam in frumento et aliis quibuslibet, de quibus decima debetur de iure et consuetudine, et aliquando soluta est, vel de novo ad pre- sens solvitur, aut in posterum solvi contigerit racione iuris patronatus ad nos pertinentis in villa Heidolfesheim et ter- minis ipsius cum iure patronatus ecclesie ibidem, ducentis triginta marcis puri argenti, quam decimam in feodo tenui- mus a domino nostro Ottone comite de Eberstein minore, per cuius quidem domini nostri de Eberstein manum et as- sensum benevolum decimam prefatam, sic venditam decano et capitulo prefatis cum omni utilitate in antea tenendam libere contradidimus et possidendam. Ut autem decanus et capitulum Spirense in hac nostra vendicione seu assigna- cione per manum domini feodi facta in posterum cerciores existant, presentes literas s^gillo domini nostri Ottonis co- mitis iunioris, domini feodi, sicnt pretactum est, et mei Ber- tholdi consignatas, quibus sigillis et nds Cuonradus et Sue- neger cum duobus fratribus nostris, Al.. et Heinrico pre- dictis sigilla propria non habentes, contenti sunt, decano et capitulo memoratis in robur perpetue contulimus firmitatis. Datum anno Domini MCCLVI. nonas marcii.

1236 iuni. 271