A-lexander episcopus, servus servorum Dei, dilectis filiis cenobii venerabilique abbati (Bertholdo) monasterii sanctf Marie vallis, suisque fratribus tam presentibus quam futuris regularem vitam professis. Religiosam vitam eligentibus apostolicum querit adesse presidium, ne forte cuiuslibet te- meritatis incursus aut eos a proposito revocet, aut robur, quod absit, sacre religionis infringat. Eapropter dilecti in Domino filii vestris iustis postulacionibus clementer annuimus et prefatum monasterium, in quo divino estis obsequio man- cipati, sub beati Petri et nostra protectione suscipimus et presentis scripti privilegio communimus, inprimis siquidem statuentes, ut ordo monasticus, qui secundum Domini et beati Benedicti regulam et institucionem Cisterciencium fra- trum in eodem monasterio institutus esse dinoscitur, perpe- tuis ibidem temporibus inviolabiliter observetur. Preterea quascunque possessiones, quecunque bona idem monasterium in presenti iuste et canonice possidet aut in futurum conces- sione pontificum, largicione regum vel principum, oblacione fidelium seu aliis iustis modis prestante vel prosperante Do- mino poterit adipisci, firma vobis vestrisque successoribus et illibata permaneant. In quibus hec propriis duximus ex- primenda vocabulis, locum ipsum, in quo prescriptum mo- nasterium constructum est cum omnibus pertinenciis suis, terram et vineas in Wissenburg, grangiam in Agrescheim, grangiam in Hugehoven, grangiam in Lingoltsheim, terram et vineas in Hosthoven, grangiam in Ringendorf, grangiam in Cintzwylre, grangiam Ettenbur, grangiam Wolvelingen, grangiam Ramesbronnen, grangiam Vingen, grangiam Co- bart, grangiam Giselmansberg cum omnibus pertinenciis suis, agris scilicet, pratis, aquis, silvis, pascuis, cultis et incultis. Sane laborum vestrorum, quos propriis manibus aut sumpti- bus colitis, sive de nutrimentis vestrorum animalium, nullus omnino a vobis decimas presumat exigere. Presenti quoque decreto sancimus, ut nullus infra dimidiam leugam a mo- nasterio vestro edificare presumat ecclesiam, de qua religio et quies vestra merito possit turbari. Paci quoque et tran

1178 deoember 21. 119

quillitati vestre paterna sollicitudine providere volentes au- thoritate apostolica prohibemus, ut infra clausuras locorum seu grangiarum vestrarum nullus violenciam vel rapinam sive furtum committere aut ignem apponere seu hominem ca- pere vel interficere audeat. Liceat eciam vobis clericos vel laicos e seculo fugientes, liberos et absolutos ad conversio- nem recipere et in vestro monasterio sine contradictione qualibet retinere. Prohibemus insuper, ut nulli fratrum ves- trorum, post factam in loco vestro professionem, fas sit de eodem loco absque licencia abbatis sui discere, discedentem vero sine communium literarum vestrarum caucione nullus audeat retinere. Decernimus ergo, ut nulli onmino hominum liceat supradictum monasterium temere perturbare aut eius possessiones auferre, vel ablatas retinere, minuere seu qui- buslibet vexacionibus fatigare, sed omnia integra et illibata serventur eorum, pro quorum gubernacione ac sustentacione concessa sunt usibus omnimodis profutura, saWa sedis apo- stolice authoritate. Si qua igitur in futurum ecclesiastica secularisve persona hanc nostre constitucionis paginam sciens contra eam temere venire tentaverit, secundo terciove com- monita, nisi reatum suum digna satisfactione correxerit, potestatis honorisque sui dignitate careat, reamque se di- vino iudicio existere de perpetrata iniquitate cognoscat et a sacratissimo corpore et sanguine Dei et Domini redemp- toris nostri Ihesu Christi aliena fiat, atque in extremo exa- mine districte ulcioni subiaceat. Cunctis autem eidem loco sua iura servantibus sit pax Domini nostri Ihesu ' Christi, quatenus et hic fructum bone actionis percipiant et apud districtum iudicem premia eterna pacis inveniant, amen. Ego Alexander catholice ecclesie episcopus servus servorum beati Petri. Ego Iohannes presbyter cardinalis sanctorum Iohan- nis et Pauli tituli Camachi. Ego Albertus presbyter cardi- nalis, tituli sancti Laurencii in Lucina. Ego Boso presbyter cardinalis sancte Prudenciane, tituli pastoris. Ego Petrus presbyter cardinalis, tituli sancte Susanne. Ego Iacobus diaconus cardinalis sancte Marie in Cosmedin. Ego Emichius diaconus cardinalis sancti Adriani. Ego Hugo diaconus car- dinalis sancti Angeli. Datum Anagnie per manum Graciani sancte Romane ecclesie subdiaconi et notarii, XII. kal. ianu- arii, indictione XI. incarnationis dominice anno MCLXXVIII. pontificatus vero domini Alexandri pape tercii anno XVI.