w ir Karl von Gots gnaden Romischer keyser zu alleo zyten merer des richs vnd kunig zu Beheim, bekennen vnd tun kunt offenlich mit diesem briefe allen den, die ien se- hent oder horent lesen. Wanne der erwirdige Adolff, bi- schoff zu Spire, vnser vnd des richs furste vnd andechtiger von vns, als einem Romischen keyser, sinem rechten herrn. alle sine regalia recht vnd redlich uach des heiligen Ro- mischen richs gewonheit mit sulcher schenheit vnd zirheit. als sich das eischet, emphangen bat, vnd wir als ein Ro- mischer keyser von wegen des heiligen Romischen richs

1371 october 33. 671

ym als einem bischoff zu Spire dieselben regalia verlihen haben in aller der massen, als gewonlich ist des richs, geist- lichen fursten ire regalia zu verlihen. Davon mit wolbe- dachtem mute mit rate vnser fursten vnd ander vnser vnd des riches getruwen mit keyserlicher machte, vollkommen- heit vnd mit rechter wissen, so verlihen wir iem von neu- wes alle sine regalia vnd darzu confirmiren vnd bestetigen vnd befestuen wir von neuwes den egenanten bischoff zu Spire, sinen nachkommen vnd der kirchen zu Spire ewiclich alle ire hantvesten, briefe, rechte, fryheite, gutevnd erbern gewohnheit, die sie von vnser keyserlichen majestat vnd vnsern vorfaren Romischen keysern vnd kunigen vnd dem heiligen Romischen riche herbracht haben, in allen iren meynungen, sinnen, punkten vnd artikeln von worte zu worte, als dieselben hantvesten vnd briefe behalden vnd als sie alle die obgenante dinge in gewere vnd vbunge her- bracht hant, glicher wise, als ob soliche hantvesten, briefe, rechte, fryheit vnd gewonheit vnd was dazu gehoret, oder davon hanget oder ruret, in diesem vnsern briefe von worte zu worte, begriffen weren vnd ob sie auch durch recht oder gewonheit in diesem briefe benennen vnd beschriben solte. Mit vrkunde des briefes versiegelt mit vnser keyserlichen majestat ingesiegel. Der geben ist zu Pyrn anno Domini millesimo trecentesimo septuagesimo primo, feria quarta post Lucae evangelistae, vnser riche in dem sechs vnd zweintzig- sten vnd des keyserthums in dem syben zehenden jare.