N os Johannes electus in decanum et capitulum ecclesiae sancti Arnualis, Metensis dioecesis, cunctis praesentium inspec- toribus cupimus esse notum, quod nos manibus coadunatis et pari voto propter evidentem nostram et ecclesiae nostrae utilitatem et profectum, habitis super hoc plena deliberatione et maturo consilio, locamus et concediimis ac nos locasse et concessisse in emphiteosim praesentibus recognoscimus hospitali novo prope sanctum Georgium in Spira et Rudolfo dicto Ratzman magistro ejusdem hospitalis, nomine hospita- lis ejusdem, decimam nostram et ecclesiae nostrae sancti Arnualis in Buhel, Ugelnheim et Westheim cum omnibus suis attinenciis et jure nostro, quod habemus ex nunc et habe- himus in posterum in eadem pro censu annuo et perpetuo qua- tuor librarum et decem solidorum ballensium legalium sol- vendo nobis ex parte dicti hospitalis in festo beati Martini hiemalis, quemadmodum est subscriptum. Quam quidem de- cimam nos locavimus Johanni seniori filio, dicto Kornelin de Buhel, habendam et tenendam fantum quoad vixerit pro censu annuo quatuor librarum et quatuor solidorum hallensium, quem censum dictum hospitale recipiet annuatim, quoadvixe- rit dictus Johannes, omni jure nostro et ecclesiae nostrae et post mortem ejus dictam decimam ipsum hospitale jure proprio habebit et tenebit integraliter et complete cum usufructu et proprietate. Et obligavit dictus Rudolfus ma- gister sive procurator, nec non obligat per praesentes no- bis et ecclesiae nostrae in subpfgnus pro dictis censibus qua- tuor librarum et decem solidorum hallensium mediam par- tem decimae in Ugelnheim, in hunc modum. Ouuin enim anno nos in festo beati Martini vel posfea cerfum nos

1301 februar 16. 433

trum nuntium mittemus ad petendum et recipiendum censum hujusmodi, qui sub expensis ipsius hospitalis tribus diebus a die, quo illic venerit, in dicto manebit hospitali et requi- ret censum hujus, qui si igitur non dabitur infra triduum hu- jus, ex tunc decima hujusmodi locata, nec non media deci- ma in subpignus obligata, mox transacto eodem triduo, ipso facto devolventur ad nos et ecclesiam nostram libere et absolute, cum ipsis postea quod nobis placuerit faciendum et dictum hospitale ipso facto cadetab omnijure, quod ha- bet in decimis antedictis, promittentes bona fide et stipu- latione sollempni pro nobis et nostris successoribus ac ec- clesia nostra praedicta, locationem hujusmodi ratam et gratam habere et nullatenus contra facere vel venire, obli- gantes nos et ecclesiam nostram ac successores nostros ad praemissa tenenda et observanda firmiter per haec scripta. Re- nuntiantes simpliciter et expresse privilegio fori, doli, mali in factum, actioni, beneficio restitutionis in integrum, quo laesis ecclesiis et alias deceptis, ultra dimidium justi pretii sub- venitur literis seu privilegiis quibuscunque a sede apostolica vel aliunde impetratis seu impetrandis sub quacunque for- ma et specialiter literis sedis apostolicae in majori et in minori forma ea, quae bonis cunctisque juris clausulis cano- nici et civilis, consuetudinis et statuti, publici et privati, quibus nos et nostri successores juvari possemus per nos velalios ad venienduin contra praemissa vel aliquid praemis- sorum, in judicio vel extra, in posterum vel ad praesens. Promittimus etiam, cum dominus Johannes electus in deca- num praedictus confirmatus fuerit jure et dignitate sui deca- natus, quod iterato locationem praemissam cum omnibus suis clausulis ratificabimus et confirmabimus ac denuo literas alias sigillatas sigillo ipsius decani et capituli nostri super praemissis assignabimus praehabito hospitali, fraude et dolo in biis omnibus pemtus circumscriptis. In quorum evidentiam atque robur sigillum nostri capituli appendimus huic scripto. Datum anno Domini MCCCI. feria quinta ante dominicam In- vocavit.