w ir Gerhart von Gotes gnaden bischof ze Speyr, Ulrich von derselben gnaden bischof ze Augsburg, Ruprecht phal- lentzgraf bi Ryn und hertzog in Beyrn, Wilhelm marggraf ze Gulich, Johann probst ze sant Xanct, Gerlach graf ze Nassaw, Johann graf ze Sponheim, Seyfrid graf ze Widi- chenstein, Gotefride herre ze Eppenstein, Reynhart herr ze Westernberg, corherr ze dem tum ze Coln, vnd Gerhart von Lantzkron, bechennen vnd tun kunt allen den, die discn brief ansehent oder horent lesen, daz wir vns vnd vnser jeglicher besunder verbunden haben, vnd verbinden auch mit disem gagenwertigen brief, dem durchlichtigen herren keyser Ludwjg von Rome vnserm genedigen herren, zu den stucken vnd artykeln, die hinnach geschriben stend. Wer ez, daz der erwirdig in Got vater, herr Heinrich ertzbischof dez heiligen stuls zu Mentz, vnd ertzkantzler des heiligen Romischen richs vber teutscher land, an den stucken vnd artykeln oder an ir dheinem, die er dem vorgnanten keyser vnserm herren gelobt vnd gesworen hat, vnd daruber er im sein besigelt brief mit seinem grozzen insigel geben hat, bruchig wurd, oder sie brech, daz Got niht enwelle, so geloben wir vnd sweren daz zu den heiligen, daz wir dem vorgnanten vnserm herren dem keyser beholfen sullen sin, vnd im zulegen mit leib, mit gut, mit land vnd mit luten

Rtniling's Urkundenbucli.

530 13.37 juni 29.

wider den vorgnanten ertzbischof Heinrich zu Mentz, als- lang biz er die bruch vf geriht, nach dem als sin brief sagent, die er dem egeschriben vnserm herren dem keyseps geben hat, an allerlay arglist. Wir bechennen auch, daz wir noh niemand anders von vnsern wegen darnach wer- ben vnd stellen sullen, daz wir der vorgnant gelubd vnd geheizz absolviert oder ledig gesagt. werden von dem babest oder jemand anders. Geschech es daruber, so sol ez kein kraft habeh. Vnd daruber zu vrchund vnd zu einer sicher- hait dirre vorgnant sache, geben wir alle disen brief mit vnser jeglichs insigel besigelten. Der geben ist ze Fran- cheniurt an der zwelfboten tag Peter vnd Pauli, do man zalt von Cristes geburt drutzehenhundert jar, darnach in dem siben vnd drizzigestin jar.